Karkerên madenê ji bo heqdestê xwe bigirin li ber Wezareta Enerjî û Çavkaniyên Xwezayî di roja 9an de çalakiya xwe didomînin. Karkeran diyar kir ku heta ew destheqê xwe bi dest bixin dê çalakiya xwe bidomînin.
Karkerên madenê yên giredayê Sendîkaya Madenê ya Xweser ên li Holdînga SSS a Yildizê yê Doruk Madenê û Etî Gumuş Madenê yê Xarpêtê dixebitin, ji bo destheqê xwe bigirin hatin Enqereyê. Karkarên ji bo heqdestê xwe bigirin bi dixwazin bi Wezerata Enerjî û Çavkaniyên Xwezayî re hevdîtinê bikin ev 9 roj in li ber wezaretê di çalakiyê de ne. Serokê Sendîkaya Madenê ya Xweser Gokay Çakir û pisporê rêxistinkirinê ya sendîqayê Başaran Aksu duh hatin binçavkirin. Karkeran di roja 9an a çalakiyê de li ber wezaretê bertek nîşanî binçavkirinê dan.
Karker ji Stasyona Mîllî Kutuphanyê heta li ber wezaretê çalakiya meşe li dar xistin. Karkeran ku cilên xwe li xwe kirine heta li ber wezaretê meşiyan. Karkerên li ber wezaretê kom bûn dirûşmeyên, “Divê serokên me berdin û Sebahattin Yildiz bigrin”, “Wezîr netirse em mirov naxwin” berz kirin. Karkeran baretên xwe ji erdê xistin û dirûşm berz kirin.
‘Dixwazin têkoşîna karkeran parçe bikin’
Rêveberê Sendîqaya Madenê ya Xweser Volkan Çetîn anî ziman ku bi astengiyan dixwazin têkoşîna karkeran parçe bikin û wiha got: “Em bi biryar in. Heta heqdestê hemû karkeran neyê dayîn, em ê çalakiya xwe bidomînin. Em ê dîsa bi wezaretê re daxwaza hevdîtine bikin.”
Karkerê Doruk Madenê Ersîn Firinci jî destnîşan kir ku tevî daxwazên wan jî, wezaret bi wan re hevdîtinê nake û wiha got: “Em li ber wezaretê ne, me dibînin, tenezul nakin ji me re hevdîtin bikin. Me dibînin û dibihîzin, lê pirsgirêkên me çareser nakin. Sê wezaretan soz dan me ku dê destheqê me bidin, lê şirkete hemû destheqê me neda. Heke hewce bike, wek karker em ê yek bi yek biçin cem Wezîrê Enerjî û Çavkaniyên Xwezayî û daxwazên xwe bînin ziman.”
