Karkerên madenê ku ew 16 roj in li ber Wezareta Enerjî û Çavkaniyên Xwezayî çalakiyê de ne, diyar kirin ku eger dawazên wan pêk neyê dê sibê ber bi Serokkomariyê ve bimeşin. Tevî Serokê Sendîkaya Karkerên Madenê ya Xweser Gokay Çakir, 2 rêveberên Sendîkaya Madenê ya Xweser û 2 karker hatin binçavkirin.
Karkerên madenê yên giredayê Sendîkaya Madenê ya Xweser ên ku li Holdînga SSS a Yildizê yê Doruk Madenê û Etî Gumuş Madenê yê Xerpetê dixebitin, ji bo destheqê xwe bigirin hatin Enqereyê. Karkarên ku hatin Enqereyê bi daxwaza hevdîtinê bi Wezerata Enerjî û Çavkaniyên Xwezayî re bikin, 16 roj in li ber wezaretê çalakî li dar dixin. Karkerên ku bi malbatên xwe ve li ber wezaretê bûn gotibûn eger daxwazên wan pêk neyê ew ê sibê ber bi Serokkomariyê ve bimeşin. Karkerên di çalakiyê de ne ji hêla polisan ve hatin dorpêçkirin. Serokê Sendîkaya Karkerên Madenê ya Xweser Gokay Çakir, pisporê rêxistinkirinê ya sendîkayê Başaran Aksu jî di nav de yek rêveberê sendîkaye û 2 karker hatin binçavkirin.
