Karkerên madenê ev 16 roj in ji bo destheqê xwe li ber Wezareta Enerjî û Çavkaniyên Xwezayî di nav çalakiyê de ne. Karkerên madenê bi malbatên xwe ve daxwazên xwe careke din anîn ziman û wiha gotin: “Eger çareseriyekê pêk neyê em ê sibê ber bi ve Serokkomariyê ve bimeşin.”
Karkerên madenê yên giredayê Sendîkaya Madenê ya Xweser ên ku li Holdînga SSS a Yildizê yê Doruk Madenê û Etî Gumuş Madenê ya Xerpetê dixebitin, ji bo destheqê xwe bigirin hatin Enqereyê. Karkarên ku hatin Enqereyê bi daxwaza hevdîtinê bi Wezerata Enerjî û Çavkaniyên Xwezayî re bikin, ev 16 roj in li ber wezaretê di nav çalakiyê de ne. Karker li bendê ne ku bi wezaretê re hevdîtin bikin û nedayîna destheqê wan çareser bike.
Karker tevî malbatên xwe hata wezaretê meşiyan. Ji bo piştgiriya malbatên karkeran, endam û nûnerên partiyên siyasî û yên civakî tev li çalakiyê bûn. Karker û malbatên wan li vir bi yek dengî dirûşmeyên “Alparslan Bayraktar derkeve pêşberî me”, “Em karker in mafdar in em ê bi ser bikevin” û “Piştgiriyê nedin holdîngan heqê me nexwin” berz kirin. Karkeran li vir pankarta li ser “Wê zêr û zîv, paxir û madenên me derxist, em nahêlin hûn canê me jî derxin” dinivîsî, rakirin. Karkeran baretên xwe erdê xistin û çalakiya dengderxistinê pêk anîn.
Karkeran li ber wezaretê daxwazên xwe carekê din anîn ziman.
‘Ji ber heqê xwe dixwazim ez hatim binçavkirin’
Karkerê Doruk Madenê Ozhan Yuksel anî ziman ku ew 40 saliye û heta niha nezaretxane nedîtiye lê ji ber heqê xwe xwestiye hatiye binçavkirin û wiha got: “Ez heqê xwe nadim xwarin. Sê wezaret bû garantor me dîsa jî heqê xwe negirt. Em ew 16 rojan de 6 caran hatin binçavkirin. Ez 40 salî me min heta niha bi rûye nezaretxaneyê nedîtibû. Ji bo ku ez heqê xwe digerim hatim binçavkirin. Heqê ewqas karkerê wê çawa be.”
‘Ew dixwazin bi rûmetbûna me û nirxbûna me bê qimet bikin’
Karkerê Doruk Madenê ku heqê xwe hê negirtiye derbarê rewşa xwe de ev tişt anîn ziman: “Ji me re dibejîn hûn çima tazî ne. Hetan niha kal û bavê me jî tazî kirine. Mafê wan jî ji aliyê dewlet û holdînga ve hatiye xwarin. Em ji ber vê tazîbûna xwe qebûl dikin. Ji bo maf û destheqê zarokên me jî neyê dizîn em têdikoşin. Em mirovên bi rûmet in.”
‘Rûmeta me di xema tu kesî de nîne’
Hevjîna karkerê Madenê Aynur Ozdemîr jî li ser zehmetiyên ew dikişînin axivî û ev tişt vegot: “Di hevjinê min de nexweşiya şekir heye. Ew di vê rewşê de jî dixwebîte. Bi salan e em wisa dijîn. Di ser de jî mexdûriyeta ku ew holdîng ji me re dike jiyana me dijwartir dike. Rojên ku me zikê xwe bi zorî têr kiriye hene. Ez şerm dikim ku qala vê rewşe bikim lê çend cara ji ber mexduriyeta ku ew bi me dan jiyîn, min xwest xwe bikujim. Rûmeta me xema tu kesî nîn e. Rûmeta wan jî bûye pere û kaseyê wan.”
‘Eger çareseriyeke neyê dîtin em ê sibê ber bi Serokkomariyê ve bimeşin’
Pisporê rêxistinkirinê Başaran Aksu jî li ser rewşa çalakiyê axivî û ew tiştan ragihand: “A niha 6 hevalên me bi wezaretê re hevdîtin dikin. Ew hevdîtin ji bo çareseriyê ye yan na em nizanin. Em li benda çareseriyê ne, ger ew pêk neyê em ê sibê ber bi Serokkomariyê ve bimeşin.”
