TJA û rêxistinên DEM Partî û DBP ên Şirnexê êrişa polîsan a li dijî hevşeredara Bajarê Mezin a Wanê Neslîhan Şadal û parlamentera DEM Partî ya Şirnexê Newroz Uysal Aslan bi meşeke girseyî şermezar kir.
Rêxistinên Partiya Herêmên Demokratik (DBP), Partiya Wekhevî û Demokrasiyê ya Gelan (DEM Partî) ên Şirnex û navçeyên wê û Tevgera Jinên Azad (TJA), tekildarî êrişa polîsan ên li dijî hevşeredara Bajarê Mezin a Wanê Neslîhan Şadal a parlamentera DEM Partî ya Şirnexê Newroz Uysal Aslan pêkhatibû li navçeya Silopiyayê çalakiya meşê li dar xist. Girsê li kolana Cumhuriyetê heta ber avahiya navçeya DEM Partiyê meşiyan. Girseya ku pankarta li ser, “Li dijî tundiya zilam Jin jiyan azadî” hilgirtin heta ber deriyê şeredariyê diruşmeyên, “Bijî berxwedana jinan”, “Jin jiyan azadî” berz kirin.
Li vir daxuyanî hat dayin. Aktivîsta TJAyê Ozlem Findik daxuyanî da. Ozlem Findik anî ziman ku pergala desthilatdariyê êrişî destkêftiyên jinan dike û got: “Desthilat bi tundiya li dijî jinan û binçavkirinên li dijî hiqûqî sûc dike. Herî dawî bi xespkirina şeredariyên me yên ku xwe rêvebirineke civakî azadiya jinê esas digrin li Wanê jî qeyûm tayin kirin û şeredariya me bi awayekî li dijî hiqûqî xesp kirin. Di dema protestoyên li dijî qeyûm de hevşeredara Wanê Neslîhan Şedal û parlamentera me û aktvîsta TJA Newroz Uysal Aslan rastî êrişê hatin. Em jî weke TJAyê li vir soz didin ku em ê li dijî tundiya li ser jinan têkoşîna xwe mezin bikin.”
