Parlamenterên DEM Partiyê Newroz Uysal Aslan û Semra Çaglar Gokalp, ji bo cenzayê kesên di şer û pevçûnan de jiyana xwe ji dest dane, binpêkirina mafên cenaze û goristanan, lêpirsînên derbarê şînan de şînê hatine destpêkirin bê lêkolînkirin pêşniyazname dan Serokatiya Meclisê.
Parlamentera DEM Partiyê ya Şirnexê Newroz Uysal Aslan û Parlamentera DEM Partiyê ya Bedlîsê Semra Çaglar Gokalp, ji bo aqûbeta kesên di binçavan de hatine windakirin, di şer û pevçûnan de hatine kuştin û cenazeyê wan winda ne bê dîtin û radestî malbatan bê kirin û binpêkirina mafên cenaze û goristanan, lêpirsînên derbarê şînan de hatine destpêkirin bê lêkolînkirin pêşniyazname dan Serokatiya Meclisê.
Di peşniyazname de hat destnîşankirin ku ji avabûna komarê vir ve nijadperestiya li dijî Kurdan di serdema pêvçûnan de bi binpêkirina mafên cenaze û goristanan berdewam kiriye û cenazeyê gelek kesan nehatiye dîtin û radestî malbatan nehatiye kirin. Di pêşniyaznameyê de hate destnîşankirin ku gelek gor û goristan hatine bomberankirin û rûxandin û mînakên cenazeyê weke yê Taybet Înan ku 7 rojan li kolanê hate sekinandin, Cemîle Çagirga ku cenazeyê wê ji bo xira nebe di sarincê de hate parastin, Haci Lokman Bîrlîk ku cenzayê wî li pişt wesayita polîsan hat kaşkirin, teşhîrkirina bedana Kevser Elturk, di nav tûrekî de radestkirina cenazayê Hakan Arslan û bi qutiya kargoyê radestkirina cenazeyê Egîd Îpek yek bi yek hatin bibîrxistin.
Di peşniyaznameyê de hae diyarkirin ku ji ber tevlibûna şînan derbarê bi sedan kesî de lêpirsîn hatiye destpêkirin û hate gotin ku ev yek li dijî hiqûqê û pêvajoya Aştî û Civaka Demokratîk e.
Newroz Uysal û Semra Çaglar Gokalp di pêşniyaznameyê de xwestin ku Serokatiya Meclisê tavilê van mijarên navborî lêkolîn bike.
