Cîgirê Hevserokên Giştî yê DEM Partiyê Tayîp Temel têkildarî gotinên Denîz Zeyrek ên derbarê qanûna çarçoveyî de gotibû “Hûn qala wekheviyê dikin sibê Kurd dê mafê xwe yê ziman bixwazin hûn ê çi bikin” destnîşan kir ku ew weke Kurd zimanê kesî înkar nakin lê mafê xwe yê zimanê dayikê dixwazin.
Rojnameger Denîz Zeyrek li ser kanala xwe ya Youtube de têkildarî qanûna çarçoveyî gotinên Numan Kurtulmuş ku gotibû “Kurd û Tirk dê bi hev re rêya xwe berdewam bikin” şîrove kiribû û gotibû: “Madem Kurd û Tirk wekhev in wê demê di Destûra Bingehîn de mafê perwerdehiya fermî ya zimanê Kurdî nas bikin. Dê sibe bêjin ‘Bila Kurdî bibe zimanê perwerdehiya fermî hûn ê çi bêjin.”
Cigîrê Hevserokên Giştî yê DEM Partiyê ji çapemenî û propangandayê berpirsyar Tayîp Temel li ser hesabê xwe yê medyaya dîjîtal gotinên Denîz Zeyrek wiha şîrove kir: “Weke Kurd bersiva min ew ê; Tu kes li dijî fermîbûna zimanê Tirkî, hevparbûna zimanê Tirkî û hemwelatiyê re îtîraz nake. Lê mijar ew ê ku çima hê jî zarokekî Kurd bi zimanê xwe perwerde bibîne weke xetere tê dîtin? Çima weke ku zarokek Tirk bi zimanê xwe perwerde dibîne heman awayî zarok Kurd jî bi zimanê xwe perwerde bibîne dibe tirsa, ‘Dê sibe daxwaz bikin’? Erê Kurd dê daxwaza mafê perwerdehiya zimanê xwe bikin. Em ê daxwaza mafê zimanê Kurdî bikin ku di destûra bingehîn de bê mîsogerkirin. Ji ber ku wekhevî ne ew ku bêjin, ‘Em wê hez dikin bi hev re bijîn’ lê wekhevî ew ê ku maf, azadî û nasname di xwedî hiqûqekê de wekhevbin. Ji ber wê jî ya rast ne pirsa, ‘Sibe dê çi bixwazin’? lê divê bê pirsîn ‘Çima hûn îro hewcedariya hemwelatiya wekhev bi cih naynin?’ Em Kurd li vî welatî ne bi lutfa kesî dijîn. Em hemwelatiyên vî welatî ne. Em ne cihekariyê lê wekheviyê dixwazin. Em zimanê kesî înkar nakin mafê xwe dixwazin ne mafê kesî. Helbet em ê tirkî jî zimanên din jî bi awayekî baş hîn bibin. Lê madem Kurd û Tirk dê bi hev re di vê rê de bimeşin wê demê bila ziman û wekheviya bihevrebûnê rast bibe. Bihevrebûyîn ne bi înkara cudahiyan lê bi wekheviyê pêkan e.”
