Piştî biryara Dadgeha Îstînafê ya derbarê kongreya CHPê ku Ozgur Ozel bibû serokê giştî “Butlana mutlak” da, girse li ber avahiya CHPê kom dibe. Girseya li ber CHPê nerazîbûnê nîşanî biryarê didin.
Dadgeha Îstînafê ya derbarê kongreya CHPê ku Ozgur Ozel bibû serokê giştî “Butlana mutlak” da. Bi vê biryarê re Kemal Kiliçdaroglu careke din bû serokê giştî yê CHPê û derbarê Ozgur Ozel de jî biryara dûrxistina CHPê da. Piştî biryarê Desteya Rêveberiya Navendî ya CHPê civîna awartê li dar xist. Her wiha rêveberiya CHPê biryara ku dê Navenda Giştî ya CHPê terk nekin da.
Piştî biryara Desteya Rêveberiya Navendî Girsê li ber avahiya CHPê kom dibe. Girseya li ber avahiya CHPê bi berzkirina dirûşmeyan nêrazîbûnê nîşanî biryarê didin. Her wiha dema nûçegihanê A Haberê li ber navenda Giştî ya CHPê nûçe dişopandin rastî êrişa girseyê hatin û girseyê nûçegihanên A Haberê derxistin derve. Tê payîn di saetên pêş de Serokê Giştî yê CHPê Ozgur Ozel ku bi biryara “Butlana mutlak” ji partiyê hatiyê dûrxistin li vir daxuyaniyeke bide. Her wiha hejmara girseya li ber navenda CHPê her ku diçê zêde dibe û girse ber ber navenda CHPê ve diherike.
Ji Kemal Kiliçdaroglu daxuyanî
Di keliyên girse li ber navenda giştî nêrazîbûn nîşan dida Serokê Giştî yê CHPê yê berê Kemal Kiliçdaroglu ku bi biryara “Butlana mutlak” careke din bû Serokê Giştî yê CHPê li ser hesabê xwe yê Xê daxuyanî da. Kemal Kiliçdaroglu di daxuyaniya xwe de bi lêv kir ku divê ew biryar ji bo CHPê bibe firsendeke û got: “Îro roj ne dema em hevdû bixeyîdinin û îro roj em şikestinên xwe bidin aliyekî û bi hevdû hembezkirinê rabin ser pêyan.”
Her wiha Kemal Kiliçdaroglu di daxuyaniya xwe de bang li hemû aliyan kir ku bila aram bibin û got ku ew ê partiyê rakin ser pêyan û meşa xwe ya ji bo desthilatê bidomînin. Kemal Kiliçdaroglu diyar kir ku ew ê bi serokê giştî yê berê û hemû pêkhateyên partiyê re pêvajoyê bi rê ve bibin.
