Ciwanên Kurd li gelek bajarên Almanyayê ji bo Rojava li ser piyan e. Di çalakiyan berxwedan Rojava hat silavkirin.
Çeteyên HTŞ,SMO,DAIŞê bi piştgiriya dewleta Tirk êrîşî rojavayê Kurdistanê dikin. Şervanên YPG-YPJ û HSDê bersivên tund dan çeteyan û derbên giran li wan dan. Her wiha li her çar parçeyên Kurdistanê û gelek welatan Kurd û dostên wan çalakî li dar xistin û berxwedan Rojava silav kirin. Bi taybetî jî ciwanên li Elmanyayê bi rojan e li ser piyan e.
Nurnberg
Li Nurnbergê, ciwan ketin hundirê navenda partiya desthilatê SDP. Ciwanan çalakiya ‘Die In’ çêkirin daku ji siyasetvanan re nîşan bidin encama siyaseta wan bigihêje kîjan encamê. Ciwanan ev tişt anîn ziman: “Gelê Rojava li dijî DAIŞê li ber xwe dide û serkeftiyên şoreşê diparêzin. Lê siyasetvanan alman bêdeng in. Em vê protesto dikin. Kobanê hêviya me ye. Em ê şoreşa Rojava biparêzin.”
Gottingen
Li Gottingenê ciwanan di navenda bajêrê de stand danîn û gelên bajarê li ser rewşa erîşen li dijî Rojava agahdar kirin. Ciwanan gotin; ‘Hêzên paşverû li dijî Rojava şer îlan kirin. Ev tê watê ku di heman demê li dijî jiyana demokratik, ekolojik û li diji têkoşîna azadiya jinê şer îlan kirin. Em vê qebûl nakin. Têkoşina Rojava têkoşîna me ye jî û azadiya Rojava azadiya me ye!
Koln
Li bajarê Kolnê xwendekaran ketin hundirê zaningehê û di dema dersa de bi xwendekaran re ser Rojava nîqaş kirin. Bi taybetî dîroka berxwedana Rojava li dijî DAIŞê û pêşengtiya Rojava ji bo jinên cihanê hatî destnîşan kirin.
Çalakiya daliqandina pankartan
Ji bo hefteya çalakiyan ji bo Rojava li Kassel, Mannheim, Kiel, Stuttgart, Duisburg ên Almanyayê û li bajarê Zurich ê Swîsreyê pankart hatin daliqandin . Bi vî awayî ciwanan piştgiriya xwe ji bo Rojava destnîşan kirin. Pankartan bi taybetî salvegera rizgariya Kobanê bi bîr tînin û destkeftiyên YPG û YPJ di şerê DAIŞê de vedibêjin. Ciwan wiha axivîn: “Em ji dewletên navnetewî bawer nakin. Em ê hewl bidin konfederalizma demokratîk li vir li Almanya pêk bînin.’
Meşên girseyî hatin lidarxistin
Li Stuttgart û Gostenhof êmeş hatin li darxistin. Ciwanan piştgiriya xwe ji bo Rojava anîn kolanan. Ciwanên tevlî meşan bûne ev tişt anîn ziman: “Herkes bila tevlî berxwedanê bibin. Bi çalakiyên mezin an piçûk ferq nake, dijminê Rojava li Almanyayê hene ku vê şer gur dikin. Pêwîste em li hember wan têbikoşin.”
Aachen
Li Aachen ciwanan silavên xwe ji gelê Rojava re şandin û Rojava wekî sembola jiyana azad dibînin.
Çalakiya rêziman
Li Berlîn û Toulousê çalakiyan rêziman pêk hatin. Ciwanan gotin: Rojava tê wate azadiya jinê û jiyana kominal a hemû netewe û olan e. Em ê Rojava li dijî hêzê emperyalîst û dewleten NATOyê biparêzin”’
Munich
Li Munichê ciwanan li dijî şirketa Hensoldt çalakî li dar xistin. Ciwanan çalakiya xwe wisa şîrove kirin: “Em piştgiriya xwe ji bo Rojava dixwazin îfade bikin û em dixwazin bal bikşînin ser rola çekên alman a di vî şerî de û em ê li vir li hember wan sûcan têbikoşin.”
Koblenz
Li Koblenz çend wesayîtên ji şirketa Thales hatin şewtandin. Piştî vê ciwanan wiha aixvîn: “Thales şirketa çêkan ya 8emin li cihanê ye û arteşa Tirk teknolojiya wan a ji bo keşîfa xwe bi akr tîne. Em hemû erîşen li diji Rojava şermezar dikin û sekna xwe bi vî awayî raber dikin.”
