Di Lîga 1emîn de îro lîstikên qedera gelek tîman diyar bike tên lîstin. Encamên lîstikên di navbera Amedspor-Bandirmasporê û Esenler Erokspor-Keçîorengucu dê hem qedera tîma di rêza duyemîn de biçe Sûper Lîgê di astek jor de diyar bike û hem jî dê xeta play offê ji nûve teşe bike.
Di Lîga 1emîn a TFFê de, ku êdî hefteyên dawî têne lîstin, Amedspor îro di riya Super Lîgê de derdikeve pêşbirkeke pir girîng. Di çarçoveya hefteya 36an de, tîma Amedsporê li deplasmanê dibe mêvana Bandirmasporê.
Amedspor bi 72 pûanan di rêza duyemîn de ye
Amedspora ku bi performanseke serkeftî heta niha 72 pûan kom kirine û di rêza duyemîn de cih digire, dixwaze vê maça dijwar qezenc bike û şopandina xwe ya ji bo lîderiyê û bilindbûna yekser a Super Lîgê bidomîne. Piştî lîstika hefteya borî bi Umraniyesporê re Amedsporê avantaj winda kir û dixwaze vê hefteyê bi girtina 3 puanan avantajê cardin bigire dest.
Her du tîm jî neçarî serkeftinê ne
Tîma Amedê qet naxwaze di vê qonaxa krîtîk de tu pûanan winda bike. Ji aliyê din ve, tîma mazûvan Bandirmaspor jî ji bo ku di xeta Play-offê de cihê xwe qayîm bike, dê li qada xwe ji bo serkeftinê têkoşînê bide. Ev yek jî lîstikê hîn dijwartir û balkêştir dike. Bi vê boneyê her du tîm jî neçarî serkeftinê ne.
Derbarê hakem de rexne hene
Lîstika krîtîk dê li Stadyuma 17ê Îlonê ya Bandirmayê bê lîstin. Lîstik îro seat di 16.00an de dest pê dike. Ji ber ku hefteyên dawiyê ne tevahiya lîstikên Lîga 1emîn di heman heman rojê û heman seatê de tên lîstin. Her wiha Ozan Ergun dê di maçê de hakemtiyê bike.
Alîgir dê li ser ekranan bikarin temaşe bikin
Ev lîstika ku bi mîlyonan dildarên Amedsporê li bendê ne, dê bi awayekî zindî ji ser ekranên TRTê bê weşandin. Alîgirên Amedsporê yên ku nikarin biçin deplasmanê, dê lîstikê li ser ekranan bi kelecaneke mezin bişopînin. Tê payîn ku ev lîstik ji bo diyarkirina çarenûsa şampiyoniyê yek ji maça herî diyarker a vê hefteyê ye.
Çavên tîman dê li hev be
Vê hefteyê maçên herî krtîtîk di navbera Amedspor-Bandirmaspor û Esenler Erokspor-Keçîorengucu de ye. Ji ber ku Amedspor û Esenler Erokspor ji bo rêza duyemîn, Keçîorengucu û Bandirmaspor jî ji bo xeta Play Offê dilîzin. Ev yek jî lîstikên van tîman dijwartir û krîtîktir dike. Çavek tîman û alîgirên wan dê li lîstika wan be û çavê din dê li lîstika hevrikan be.
Li gorî taybetiyên tîman Amedspor favorî ye
Ev lîstik ji bo Amedsporê wekî lîstika herî dijwar tê pênasekirin. Ji ber ku Bandormaspor hem ji bo xeta Play Offê dilîze û xwedî îdîa ye, hem jî wekî tîmek baş parastinê dike, tê zanîn. Bandirmaspor di şeş hefteyên dawî de têk neçûye û lê piranî beranber maye. Ligel vê Amedspor wekî berendamê Sûper Lîgê hem xwediyê lîstikvanên jîrtir e û di aliyê riyên avêtina golan de gelek pêşketîtir e. Bi vê boneyê wekî tîma favorî tê dîtin.
