Amedspor û Pendîkspor di hefteya 24emîn a lîgê de îro êvarê tên hemberî hev. Ji bo ku Amedspor di rêza yekemîn de bimîne, ji bo wê yek ji hefteyên krîtîk a lîgê ye.
Amedspor îro li deplasmanê ye û li gel tîma Pendîksporê dilîze. Amedspor û Pendîkspor di hefteya 24emîn a Lîga 1emîn a Trendyolê ya Federasyona Futbolê ya Tirkiyeyê (TFF) li stada navçeya Pendîkê ya Stenbolê tên hemberî hev. Maç saet di 19:00an de dest pê dike û maç wê di TRT Spor de bi awayekî zindî were weşandin.
Amedspor bi 46 puanan di rêza yekemîn a lîgê de cihê xwe digire. Heke Amedspor îro li hemberî Pendîksporê bi ser bikeve dê di lîgê de di rêza yekemîn de bimîne.
Pendîkspor jî bi 36 puanan di rêza şeşemîn a lîgê de cihê xwe digire.
Yek ji hefteyên herî krîtîk ên lîgê ye û dibe ku dawiya sezonê diyar bike.
Hat zanîn ku wê gelek alîgirên Amedsporê jî li stadê amade bin û piştgiriya tîma xwe bikin.
Gelek lîstikvan çûn û gelek jî hatin
Di vê navberê de di hefte û rojên dawî de Amedsporê gelek lîstikvanan anî tîma xwe.
Tarkan Serbest, Huseyîn Ulgun, Florent Hasanî, Dimitrov, A. Damlu, Syrota, Cem Ustundag, Atakan Mujde, Dilhan Demîr û Oguzhan Matur êdî lîstikvanên Amedsporê ne û li kadroyê hatine zêdekirin.
Lîstikvan Andre Poko, Cheikhou Kouyate, Fernando Andrade dos Santos, Aytaç Kara, Veysel Sapan û Yûnûs Tarhan peymanên wan bi dawî bûn û ji Amedsporê veqetiyan.
