Şirnex – Endam û rêveberên TJA, DBP û DEM Partiye li dijî êrişên Tirkiyeyê yên li ser Bakur û Rojhilatê Suriyeyê li navçeya Cizîrê nobet girtin.
Çalakiya nobetê ya li dijî êrîşên li ser Bakur û Rojhilatê Sûriyeyê didomin. Di çerçoveya çalakiya nobedê de, nûnerên rêxistina Partiya Herêmên Demokratîk (DBP), Partiya Wekhevî û Demokrasiyê ya Gelan (DEM Partî) ên Şirnexê û Tevgera Jinên Azad, li parqa Botaşê ya navçeya Cizîra Şirnexê çalakiya nobedê girtin. Meclîsa Dayikên Aştiyê, saziyên sivîl ên Şrnexê, Parlamenterên DEM Partî ên Şirnexê Newroz Uysal Aslan, Mehmet Zekî Îrmez û gelek kes tevlî nobede bûn. Nobeda ku seat di 12.00an de dest pê kir heta seat 16an dom kir.
Dayikên ku tevlî nobede bûn bi stran û awazên xwe piştgiriya xwe nîşanî Rojava dan. Girsê jî bi stranan govend gerandin û dirûşmeyên, “Jin jiyan azadî” û “Bijî berxwedana Rojava” berzkirin.
Di nobede de dîvanek avakirin û li ser pêvajoyê û êrişên li ser Rojava axaftin kirin. Dayika aştiyê Emîne Alkiş li ser êrişan axivî û êrişên li ser herême şermezar kir. Emîne Alkiş, xwest aştî pêş bikeve û şer bi dawî bibe. Melê Beşîr Katar, Berîvan Kutlu, hevseroka DEM Partî ya Şirnexê Nurcan Alturk jî balkişandin ser kuştina sivîlan û xwestin ku hemû kes xwedî li Rojava derbikevin.
Çawa DAIŞ têk çû dê çete jî têk biçin
Parlamenterê DEM Partî Mehmet Zekî Îrmez jî di dîvanê de axivî û anî ziman ku pergala li Rojava hatiye avkirin tê hedefgirtin û got: “Desthilata AKP û MHP ji ber DAIŞ têk çû kîneke mezin êrişî herême kirin. Ew çeteyên ku niha êriş dikin jî heşmendiya DAIŞ in. Çawa ku DAIŞ têk çû, dê çete jî têk biçin. Em bang li desthilatê dikin ku ji bo aştî û aramî gav bavêjin bi hev re jiyaneke azad ava bikin. Lê desthilat ji bo gelê kurd bi nasnameya xwe azad nejî bi her awayî êrîşî gelê kurd dike. Lê bila bizanibin em ne kurdên berê ne. Desthilata AKP tengav bûyê û êriş dike. Lê dê têk biçin.”
Dê ev sedsal bibe sed sala aştiyê
Hevserokê DEM Partî yê Şirnexê Abdullah Gungen jî xwest şer bi dawî bibe û got: “Pêvîstî bi rêya 3emîn heye. Çareserî ne netew dewlet e. Çareserî rêya 3emîn e. Dest polîtikayên şer berdin. Gelê kurd ji bo mafê xwe bi dest bixe dê têkoşîna xwe bidomînin. Pêvajoya ku Birêz Abdullah Ocalan daye destpêkirin bi paradîgmaya wî ya rêya 3emîn dikarê bi ser bikeve. Divê ew sed sal bibe sed sala aştiyê.”
’11 roj in sivîlan dikujin’
Parlamentera DEM Partî ya Şirnexê Newroz Uysal Aslan jî anî ziman ku li Rojava sivîl tên kuştin û got: “Em li vir dibêjin YPG, YPJ û HSD Suriyeyî ye. Lê ew çete ne Suriyeyî ne. Li dijî aqilên cihadist gelên li herême bi aqile wekhevî li berxwe didin. 11 rojin welatiyên sivîl li bendava Tiştrînê tên qetil kirin. Rojnameger Nazım Daştan û Cîhan Bîlgîn jî li wê bendavê hatin qetil kirin. Gelên li herême li dijî êrişan li ber xwe dide. Statuya Rojava wê statuya tevahiya Kurdistanê diyar bike. Li Tirkiyeyê nîqaşên hatinê destpêkirin beyî Rojava çareser nabe. Gelê me heta êriş hebin wê li ber xwe bidin. Heke çareseriyeke wê be çebibe divê êrişen li ser Rojava rawestin, polîtikayên qeyûm bi dawî bibe, deriyên zindanan vêbe her wiha divê azadiya fizîkî ya Birêz Abdullah Ocalan pêk were. Em gelê Kurd li ku bin em ê xwedî li maf û îradeya xwe li derbikevin.”
Daxuyanî bi dirûşmeyên, “Bijî berxwedana Tişrînê” bi dawî bû.
