Wezîrê Fransayê yê ji bo Ewropa û Karên Derve Jean-Noel Barrot piştî hevdîtina bi Wezîrê Karên Derve yê Hikûmeta Veguhêz a Sûriyeyê û Nûnerê Taybet yê Amerîkayê yê Sûriyeyê, bi Fermandarê Giştî yê HSDê Mazlûm Evdî re civiyan.
Wezareta Karên Derve ya Fransayê bi daxiyaniyekê eşkere kir ku ev civîn di çarçoveya amadekariyên hevdîtinên di navbera Hêzên Sûriyeya Demokratîk (HSD) û nûnerên Hikmûmeta Veguhêz a Sûriyeyê de, pêk hat.
Wezaretê da zanîn ku dê her du alî bi serpereştiya Fransa û Amerîkayê awayên pêkanîna Peymana 10’ê Adarê gotûbêj bikin.
Wezîrê Fransayê tekez kir ku welatê wî alîgirê çareseriya siyasî li Sûriyeyê ye ku bibe egera avakirina Sûriyeyeke yekgirtî û misogerkirina beşdariya xelkên Bakur û Rojhilatê Sûriyeyê. Her wiha tekez kir ku divê mafên kurdan werin parastin.
