Şîna şehîdên Tevgera Azadiya Kurdistanê ya li Wanê di roja duyemîn de bi serdanên girseyî dest pê kir.
Bi pêşengiya Komeleya Yekîtî Çand Piştevanî û Alîkariyê ya bi Malbatên ku di Dergûşa Şaristaniyê de Xizmên Xwe Winda Kirine re (MEBYA-DER) a Wanê, di roja duyemîn de şîna şehîdan didome. Şehîdên ku endamên Tevgera Azadiyê Kurdistanê ne li cih û dîrokên cuda de jiyana xwe ji dest dane û bi eşkerekirina navên wan re şîn hate danîn. Şînê duh navçeya Artemêtanê ya Wanê, dest pê kir û di roja duyemîn de didome. Wêneyên şehîdan li qadê cihê şînê hatin danîn û malbatên wan li ber wêneyên şehîdên xwe rawestiyan e û hem kesên tên serdanê pêşwazî dikin û hem jî xwedî li ewladên xwe derdikevin.
Şîn di roja duyemîn de bi serdanên girseyî dest pê kir. Xelkê Wanê ku tên cihê şînê yek bi yek silavê didin malbatên şehîdan û sersaxiyê ji gelê Kurd re dixwazin. Dayikên ku tev li şînê bûn, flamayên kesk û sor û zer xwe xemilandine û bi berzkirina dirûşmeyan û lîlandinê serbilindahiya xwe nîşan didin.
Şîn bi serdanên girseyî didome.
Gelariya wêneyan:
