Rejîma Îranê cezayê şeş sal girtîgeh, 4 sal sirgûnkirina bajarê Nîkşehr yê Sîstan Belûcistan û 62 qamçiyan li du jinên çalakvan ên Kurd birî.
Rêxistina Mafên Mirovan a Kurdistanê eşkere kir ku çalakvanên bi navên Neda Dedecanî û Setayeş (Behnoş) Sarabî yên xelkê navçeya Qurwe ya ser bi parêzgeha Sine ne, di dema xwepêşandanên meha çileyê de hatibûn binçavkirin.
Hatiye diyarkirin ku her du çalakvan ji aliyê Şaxa 102 ya Dadgeha Cezayan a Qurwe ve bi tometa ‘Têkdana ewlehiya giştî’ hatine cezakirin.
Di nûçeyê de hatiye diyarkirin ku dadgeha rejîma Îranê bi giştî 6 sal cezayê girtîgehê, 4 sal cezayê sirgûnkirina bajarê Nişkehr yê parêzgeha Sîstan Belûcistanê û 62 qamçiyan li her du çalakvanan birî.
