Çavkaniyên Îsraîlê destnîşan dikin ku Qeter û dewleta Tirk hewl didin Xezayiyan li konbajarên Bab û Ezazê yên ku berê ji bo penaberên Sûriyeyê hatibûn avakiribûn, bicih bikin.
Li gorî agahiyên ku çavkaniyên Sûriyeyê xwe dispêrin malpera i24NEWSê ya Îsarîlê, Tirkiye û Qeter hewl didin bi sed hezaran Xezeyiyan li 2 konbajarên mezin ên li bakurê Sûriyeyê ku nêzî sînorê Tirkiyeyê ne, bicih bikin. Ji van konbajaran yek jê di navbera El-Bab û Axtarînê de ye û ya din li rojhilatê Ezazê ye. Ev her du konbajaran ji bo penaberên Sûriyeyê yên ji ber şerê navxweyî derbasî axa Tirkiyeyê nebin, hatibûn avakirin. Li gorî nûçeya SANA ya girêdayî Şamê, “Ji bo Sûriye aramtir bibe û bi vegera gelek penaberên Sûriyeyî re” Qeter û Tirkiye yên ku bi hikûmeta nû ya Sûriyeyê di nava koordînasyonê de ne, hewl didin Xezayiyên ji cih û warên xwe hatine dûrxistin li van wargehan bicih bikin.
Li gorî nûçeya i24NEWSê ku xwe dispêre çavkaniyekî Sûriyeyî, du rêxistinên Tirkiyeyê yên bi navên Avaaz û ÎHH pêkanîna planê kontrol dikin. Hate ragihandin ku her du rêxistin bersiva pirsên i24NEWSê yên têkildarî van îdîayan, nedan. Hate îdiakirin ku bicihkirina Xezayiyan a li van wargehan beşek ji lihevkirineke berfireh a Amerîkayê ji bo rakirina cezayên li ser Şamê û naskirina rêveberiya nû ye. Ev agahî hîn bi fermî nehatiye piştrastkirin.
