Civîna yekemîn a Komîteya Stratejîk, Siyasî û Parastinê ku di çarçoveya Peymana Parastina Hevpar a Mekkeyê de hatibû avakirin, bi mazûvaniya Tirkiyeyê li Stenbolê dest pê kir.
Di civînê de wezîrên karên derve, wezîrên parastinê û serfermandarên giştî yên Tirkiye, Pakistan û Erebistana Siûdî amade bûn. Piştî kişandina wêneyê malbatê, heyetên bi serkêşiya Hakan Fîdan, Yaşar Guler, Selçuk Bayraktaroglu yên Tirkiyeyê, Muhammed Îshak Dar, Khawaja Muhammad Asîf, Asim Munîr ên Pakistanê û Faysal bin Ferhan, Halîd bîn Selman, Fayyadh Bîn Hamed Al-Ruwaîlî yên Erebistana Siûdî derbasî civînê bûn.
Rojeva Civînê: Parastina Hevpar û pîşesazî ye
Di hevdîtinê de mijarên ewlehiya navneteweyî, pêşxistina kapasîteya parastinê, zêdekirina qabîliyeta xebata hevpar a her sê artêşan û kûrkirina hevkariya pîşesaziya parastinê tên nirxandin. Her wiha tê payîn ku çarçoveya Sekretaryaya hevkariyê û nexşerêya heyama nû di vê civînê de diyar bibe.
Peymana Mekkeyê Çi ye?
Peymana Parastina Hevpar a Mekkeyê di 7ê Tebaxa 2026an de li Mekkeyê ji aliyê Serokomarê Tirkiyeyê Recep Tayyip Erdogan, Welîehdê Erebistana Siûdî Muhammed bin Selman û Serokwezîrê Pakistanê Şahbaz Şerîf ve hatibû îmzekirin. Li gorî peymanê êrîşeke ku li dijî welatekî ji van aliyan bibe, dê di heman demê de wekî êrîşa li ser hemû aliyan bê qebûlkirin.
