Şandeyên Erebistana Siûdî, Pakistan û Tirkiyeyê sibê dê li Riyadê bicivin.
Komîteya Siyasî û Parastinê ya Stratejîk ku di çarçoveya Peymana Mekkeyê de hatibû damezirandin, sibê (5ê Cotmehê) dê li Riyadê ya paytexta Erebistana Siûdî bicive. Tê payîn ku ji aliyê Tirkiyeyê ve Wezîrê Karên Derve Hakan Fîdan, Wezîrê Parastinê Yaşar Guler û Serfermandar Orggeneral Selçûk Bayraktaroglu beşdarî civînê bibin.
Tê payîn ku di civînê de sazûmaniyê tifaqa ku di çarçoveya Peymana Mekeyê de hatibû damezirandin û gavên piştre werin gotûbêjkirin. Her wiha tê pêşbînîkirin ku di civînê de kapasîteya tifaqê ya ji bo bersivdana hevbeş û bibandor li dijî gefên heyî û rola wê ya di pêşîlêgirtina krîzên herêmî de werin nirxandin. Tê payîn ku mijareke din a rojevê jî dabînkirina ewlehî û azadiya keştivaniyê li rêyên bazirganiya navneteweyî, çareserkirina nakokiyên herêmê bi rêyên aştiyane û dûrketina ji gavên ku dikarin aloziyê gur bikin be.
Tê payîn ku şandeyên beşdarî civînê dibin, li dijî êrişên Hûsiyên Yemenê yên li ser Erebistana Siûdî, piştgirî û piştevaniya xwe dubare bikin.
