Parlamentoya Ewropayê di rapora qebûl kiriye de destnîşan kir ku Tirkiye di mudaxileya Kibrisê de destdirêjî li jin û zarokên keçik kiriye û xwest Tirkiye demildest û bi temamî ji Kibrisê derbikeve. Tirkiye jî bertek nîşanî biryara PEyê da û wiha dibêje: “Tu hukmê biryarê nîn e.”
Komîteya Hevzayendiya Civakî û Mafên Jinan (FEMM) a Parlamentoya Ewropayê (PE) di raportoriya endama PEyê Eleonora Meletiyê de raporek amade kir. PE biryarê bi 575 dengên erênî, 33 dengên red û 43 dengên bêbiryar ev biryar erê kir û ji Tirkiyeyê dixwaze ku demildest û bi temamî ji giravê derbikeve. Di biryarê de hat destnîşankirin ku hebûna leşkerên Tirkiyeyê ya li giravê derveyî hiqûqê ye û da zanîn ku ev helwesta Tirkiyeyê ji bo pêşketina têkiliyên bi Yekitiya Ewropayê astengî ye.
Rapora bi navê “Bandora Tirkiyeyê ya li ser jin û zarokên keçik ên dagirkirina Kibrisê ya sala 1974an” di 8ê Tîrmehê de di PEyê de hat qebûlkirin. Rapor dibêje ku Tirkiye di 1974an de li Kibrisê destdirêjî li jin û zarokên keçik ên aliyê Rûm kirine.
‘Tirkiye hiqûqa navneteweyî binpê kir’
PE derbarê Tirkiyeyê de li ser mijara mudaxileya leşkerî ya Kibrisê destnîşan kir ku Tirkiye dema di sala 1974an leşkerên xwe şandiye li Kibrisê, leşker destdirêjî li jin û zarokan kirine û da zanîn Tirkiye bi vê yekê hiqûqa navneteweyî binpê kiriye û ji Tirkiyeyê xwest demildst ji Kibrisê vekişe. Herwiha PEyê ji ber binpêkirinên mafan yên li dijî jin û zarokan, ji Tirkiyeyê xwest tezmînatê bide mexdûran û mafên mexduran bide li ber çavan.
Cevdet Yilmaz: Tu hukmê biryarê nîn e
Tirkiye li dijî vê yekê diyar dike ku di sala 1960yan de aliyê Rûmê li giravê darbe pêk aniye, bi darbeyê re hatiye xwestin ku mafê Tirkan ji holê rakin û îdia kir ku ew di çarçoveya valahiya Peymana Temînata 1960an de mudaxile li Kibrisê kiriye. Li aliyê din li Giravê Kibrisê di 15ê Cotmeha 1983yan de bi yekalî “Komara Tirkiyeyê ya Bakurê Kibrisê” îlan kir. Derveyî Tirkiyeyê tu welat vê biryarê qebûl nekirin.
Cîgirê Serkkomar Cevdet Yilmaz di îro li aliyê rêveberiya Tirk a Kibrisê de bi Serokwezîr Unal Ustel re daxuyaniya çapemeniyê li dar xist û got: “Tu hukmê biryara PEyê nîn e. Dê ev biryar dê şanaziya YEyê kêm bike.” Herwiha Wezareta Karên Derve jî duh daxuyanî da û got: “Tu hukmê biryarê nîn e.”
Cevdet Yilmaz îdia kir ku bêbextî li leşkerên Tirk tê kirin û wiha got: “Yekitiya Ewropayê, taybetî jî Parlamentoya Ewropayê têkildarî mijara Kibrisê alîgir û nêzîkatiyek nerast raber dike û em ji van helwdanan metirsidar in.”
Rêveberiya aliyê Tirk a Kibrisê jî derbarê mijarê daxuyanî da û wiha got: “Parlamentoya Ewropayê mudaxileya leşkerî ya 1974an berovajî dike, Gelê Tirk ê Kibrisê û Tirkiyeyê dike hedef. Em vê biryarê bi tundî şermezar dikin.”
