Amed – Nivîskar û weşangeran da zanîn ku ji bo zimanê Kurdî bibe zimanê fermî û perwerdehiyê divê tavilê gav bên avêtin.
Nivîskar û weşangerên ku beşdarî Rojên Pirtûkan a Amedê bûn, ji ajansa me re axivîn û bal kişandin ser statuya Kurdî û perwerdehiya bi Kurdî û anîn ziman ku divê tavilê daxwaza statuya Kurdî û perwerdehiya bi Kurdî were qebûlkirin.
Nivîskar û weşangeran da zanîn ku heke zimanê Kurdî nebe zimanê fermî dê eleqeya ji bo pirtûk û zimanê Kurdî jî zêde nebe û xwestin ji bo zimanê Kurdî bibe zimanê fermî bi lezgînî gav bên avêtin.
Nivîskar Sîdar Jîr, weşanger û nivîskar Bahoz Baran, weşanger Esma Avci, nivîskar-wergêr Muhsîn Ozdemîr, mamoste-werger Hamza Tokmak û helbestvan Ronîrên li ber standên Rojên Pirtûkên Kurdî ji ajansa me re axivîn û bal kişandin ser girîngiya ziman.
