1emîn Mîhrîcana Çand û Hunerê ya ji aliyê Şaredariya Geverê tê lidarxistin bi awayek bêhempa û dirûşmeya “Bijî Serok Apo” bi dawî bû.
1emîn Mîhrîcana Çand û Hunerê ya ji aliyê Şaredariya Geverê tê lidarxistin roja duyemîn de li quntarê çiyayên Cîloyan a li gundê Memkanê bi beşdariya parlamenterên DEM Partiyê yên Colemêrgê, Cîgira Hevserokên Giştî yên DBPê Narîn Gezgor, hevşaredarên Geverê, nûnerên saziyên civakî û bi hezaran welatî bi awayek coş berdewam kir.
‘Em dixwazin saleke din Serok Apo li ba me be’
Hevşaredara Geverê Şadiye Kirmizigul di destpêka axaftina xwe diyar ku ev deh sal bû ji ber qeyyûm avêtina ser şaredariya Geverê û qedexeyên li ser herêmê mîhrîcan pêk nehatin û armanca mîhricanê wisa vegot: “Armanca me ew e ku bi vê mîhrîcanê tifaq û yekitiya me xurt bibe, çand, huner û zimanê me winda nebe.”
Piştre parlementera DEM Partiyê yê Colemêrgê Oznur Bartin axivî û anî ziman ku deh sal berê ji aliyê desthilatdariya dewletê ve qirina siyasî, pevçûn û zilm destpê kir û got: “ Îro em dibînin ku gelê me bi hemû heyîna xwe, bi deh hezar kesan li vir xwedî li çand, ziman û rengê xwe derdikeve.”
Oznur Bartin di berdewama axaftina xwe de behsa pêvajoyaAştî û Civaka Demokratîk a ku ji aliyê Rêberê Gelê Kurd Abdullah Ocalan ve hatiye destpêkirin kir û siha pê de çû: “Em dxiwazin şert û mercên Serok Apo bên sererastkirin û saleke din li vir em bi Serokê xwe re mîhrîcana xwe pîroz bikin.
Koma Amed kelecanek mezin da Geverê
Piştî axaftinan koma erbaneyê ya bi navê “Dengê Erbana Gever” derket ser dikê, bi reng û ahenga xwe stranên xwe gotin û lewnek cuda da dikê û gel. Herî dawiyê hunermendên nav û deng Koma Amed bi stranên xwe coşa welatiyan li quntarê Çiyayên Cîloyan ber bi deşta Geverê ve herikandin.
1emîn Mîhrîcana Çand û Hunerê ya Geverê bi dirûşmeya “Bijî Serok Apo“ bi dawî bû.
