58emîn Mîhrîcana Çand û Hunerê ya Şaredariya Tetwanê ku dê 10 rojan berdewam bike bi meş li pêşiya avahiya DEM Partiyê ya Tetwanê heta qada mîhrîcanê destpê kir.
58emîn Mîhrîcana Çand û Hunerê ya Şaredariya Tetwanê ya ku dê di navbera 31ê Tîrmehê û 9ê Tebaxa 2026an de bi dirûşma ‘Li Tetwanê çand heye, huner heye, em hene’ bi meşâ li pêşiya avahiya DEM Partiyê ya Tetwanê heta qada mîhrîcanê destpêkir. Meşê bi performansa koma erbaneyê ya Navenda Çandê ya Serhedê û bi dahol û zirneyan destpêkir. Welatiyên ku tev li meşê bûn li ber performansa koma erbaneyê stran gotin û dirûşmên “Jin jiyan azadî”, “Bij’i serok Apo” berz kirin.
Piştî meşa hata li qada mîhrîcanê ya li peravê Behra Wanê, Hevşardara Tetwanê Belkisa Beştaş Epozdemîrê axaftinek kir û bal kişand ser girîngiya çand û henerê. Belkisa Beştaş Epozdemîrê da zanîn ku ew ên her tim bi mîhrîcanan hewl bidin çand û henera Kurdî biparêzin û geş bikin û got: “Em vê mîhrîcanê ji hemû gelê xwe pîroz dikin.”
Di roja mîhrîcanê ya 1em de hunermend Serhedo, Şahê Bedo û Neslîhan Edîş dê derkevin ser dikê û bi stranên xwe demên kêfxweş bi beşdaran bidin jiyîn.
