Li Wanê di navbera 11-19ê Tîrmehê de ji aliyê Wezareta Çand û Geştiyariyê ve mîhrîcanek hat lidarxistin. Rûxmê ev 3 roj in ku mîhrîcan qediya ye lê hê jî qad di nav gilêşê de ye.
Wezareta Çand û Geştiyaririyê îsal di bin navê ‘Mîhrîcana Rêya Çandê’ de di 11-19ê Tîrmehê de li Qada Newrozê ya Wanê mîhrîcanek pêk anî. Rûxmê ku Wan bajarekî Kurdan ê qedîm e jî di naveroka mîhrîcanê de tiştekî ku çanda Kurdan eleqedar dike tune bû. Di ser de jî rûxmê ev sê roj in mîhrîcan qediya ye lê gilêşê ku li qadê mayî hê jî nehatiye paqijkirin.
Paqijkirina qadê di bin berpirsiyariya Şaredariya Bajarê Mezin a Wanê ku ji aliyê qayim ve hatiye xespkirin de ye û ev 3 roj in hê jî Qada Newrozê ku beşdarên mîhrîcanê lewitandine paqij nekiriye.
