Amed – Li Zarokistanên 450 Evler û Bagcilarê ku di bin banê Şaredariya Bajarê Mezin a Amedê de xizmetê didin, ji bo serdema perwerdeyê ya 2026-2027an serlêdan dest pê kirin.
Li Zarokistanên ku 450 Evler û Bagcilarê yên Amedê serlêdanên serdema nû ya 2026-2027 destpêkirin. Zarokistanên di bin banê Şaredariya Bajarê Mezin a Amedê xebatên xwe dimeşînin, di serdema perwerdeyê ya nû de dê bi zarokan re bernameyên pirzimanî û li ser bingeha zimanê dayikê li dar bixe.
Di Zarokistanan de lênêrîna zarokên 3-6 salî jî dê bi nêzîkatiya lîstik, zimanê dayikê, çand, huner û beşdariya zarokan were meşandin. Zarok di çarçoveya perwerdeya beriya dibistanê de tev li komxebatên drama, muzîk, şano, felsefe, werzîş û hunerên dîtbarî bibin.
Lîstik, xweîfadekirin, peywendiyên bi hevalan re, li xwe nêrîn, keşf û afirînerî jî dê di çarçoveya komxebatan de cih bigirin. Di Zarokistanan de taştê, firavîn û xwarina navberê ya zarokan dê li gorî bernameya dîyetîsyenên pispor ve bê amadekirin.
Çalakî dê pirzimanî bin
Di Zarokistanan de xebatên ber bi dibistanê dê bi rengekî pirzimanî û li ser bingeha zimanê dayikê bên meşandin. Sêwirana hawîrdorê dê bi awayekî bê amadekirin ku zarok karibin xwe îfade bikin, bi hevalên xwe re peywendiyê deynin û meraq û afirîneriya xwe pêş bixin. Piştî nirxandina serlêdanan, li gorî komên temen dê lîsteyên cîgir (yedek) jî bên çêkirin.
Kesên di lîsteya esil cih digirin dema qeyda xwe çênekirin an jî hejmara zarokên qeydkirî kêm bibe, zarokên di lîsteya cîgir de cih digirin dê ji bo qeyda wan were çêkirin bên bangkirin.
Serlêdan dê li ser înternetê, bi awayê onlîne bên wergirtin.
