Şaredariya Bajarê Mezin a Amedê Tesîsên Civakî ya Hamravatê bi merasîmekê vekir. Hevşaredara Bajarê Mezin a Amedê Serra Bûcak di merasîmê de axivî û wiha got: “Em dixwazin gelê me bi ji van cihên wiha civakî sûdê werbigire.”
Şaredariya Bajarê Mezin a Amedê li navçeya Rezanê ya Amedê Tesisên Civakî ya Hamravatê bi merasîmeke girseyî vekir. Rêveberiya DEM Partiyê û DBPê yên Amedê, Parlamenterên DEM Partiyê ya Amedê Adalet Kaya, Hevşaredarên Bajarê Mezin ên Amedê Serra Bûcak û Emîn Ay, hevşaredarên navçeyên Amedê, nûnerên saziyên sivîl, endam û rêveberên partiyên siyasî û gelek welatiyên Amedê tev li merasîmê bûn. Di destpêka merasîmê de beşdaran li ber stranan û erbanêyan govend gerand.
Dûre parlamenter Adalet Kaya axivî û wiha got: “Ji bo me hemûyan hewcehiyek e; zarokên me hemûyan dixwazin li derve wext derbas bikin, dixwazin li derve xwarinê bixwin. Ji ber vê yekê, ji aliyê şaredariyên me ve vekirina cihên ku mirov karibin xwe bigihînin xwarinên saxlem, paqij û erzan. Ev ji du aliyan ve girîngiyek pir mezin hildigire. Ez em ji ber van xebatên wan şaredariya xwe pîroz dikin.”
Hevşaredara Bajarê Mezin a Amedê Serra Bûcak jî da zanîn ku ji bo vekirina tesîsê gelek bi kelecan in û got: “Me dît ku pêdiviya gel bi cihekî wiha heye. Em dixwazin gelê me ji cihên bi vî rengî sûdê werbigire. Li ser vê yekê, wekî rêveberiyên herêmî me biryareke wiha girt û em dixwazin vê biryarê gav bi gav berifrehtir bikin.”
Piştî axaftinan kurdele hate birîn û tesîs hate vekirin.
