Li Sûriyê bi boneya polîtîkayên mezhebî, etknîkî yên Hikûmeta Demkî zordarî zêde dibe û kaos kûr dibe.
Hikûmeta Demkî ya Sûriyê ku bi sepandinên Tirkiyeyê tevdigere bi polîtîkayên navendî, mezhebî û olî qeyrana heyî kûrtir dike. Artêşa Hikûmeta Demkî ya ji komên çeteyan pêk tê bi bûyerên talan, dizî û zordariyan re di rojevê de ne. Li gundewarê rojavayê Humsê, binpêkirinên mezhebî ên wekî kuştin, girtin û revandinê, li dijî şêniyên herêmê zêde didin.
Li Humsê qetilkirin û revandin
Di 2 rojên derbasbûyî de, binpêkirinên mezhebî ên wekî kuştin, girtin û revandinê, li dijî şêniyên gundewarê rojavayê Humsê zêde didin. Ciwanê bi navê Ednan Subhî Kirêş dema ku li nava erdê xwe yê li rojavayê bajarê Humsê bû bi guleya çekdaran hat kuştin. Li ser benda kontrolê ya El Hişma ya hêzên hikumeta demkî, şêniyê bi navê Mehmûd Hedmûd ê 60 salî hat girtin û heta niha çarenûsa wî ne diyar e.
Êrişên li ser jinan zêde dibin
Komên çete ên hikumetê girtin ser gunê El Xûr El Xerbiya û kesên bi navê Seîd Cerdo, Hesen Kirêş, Hafiz Semero û hin jin jî, girtin. Li gundên El Mezrea û El Himêdiyê jî goristanên Şîiyan hatin wêrankirin.
Gundan talan dikin
Gundan talan dikin
Komên çete yên Hikûmeta Demkî ya Sûriyeyê malên şênyên gundên gundewarê Kobanê talan kirin û dizîn. Di vîdyoyek ku ji hêla şêniyekî ji gundên gundewarê Kobanê li kantona Firatê ve hatiye kişandin de eşkere bû ku komên çekdar ên hikumet demkî mal û kilkên gunudyên ku ji gundên xwe hatine koçberkirin, talan kirine û dizîne.
Kesê ku di vîdyoyê de diaxive diyar kir ku komên çete yên hikumet demkî malên gundiyan talan kirine.
Li Reqqa û Dêrezorê nerazîbûna eşîran
Li gorî çavkaniyên herêmî bi boneya sepandina polîtikayên navendî di navbera Hikûmeta Şamê û eşîran de jî li Dêrezor û Reqqayê rageşiyan destpê kiriye. Çavkaniyan anîn ziman ku eşîrên di dema HSDê hînî xwe rêvebirinê bûne, niha li dijî dayînkirinên navendî nerazîbûnê nîşan didin. Çavkaniyan anîn ziman ku Hikûmeta Demkî bi tayînkirinan eşîran li gorî xwe dîzayn dike û ev yek jî dibe sedema rageşiya di navbera eşîran û Hikûmeta Demkî de. Hate zanîn ku bi boneya van polîtîkayan eşîr tên dijî hev û ev yek cih cih dibe sedema pevçûn û tevliheviyan.
