Li gorî agahiyên ku hatine bidestxistin, di çarçoveya lêpirsîna Serdozgeriya Îzmîrê de ji bo 62 kesan biryara binçavkirinê hatiye dayîn. Li ser vê biryarê, tîmên polîsan serê sibehê zû ketin tevgerê û li dijî navnîşanên kesên ku biryara wan a binçavkirinê heye, operasyoneke hevdem pêk anîn
Di çarçoveya lêpirsîna ku ji aliyê Serdozgeriya Komarî ya Îzmîrê ve tê birêvebirin de, li dijî Şaredariya Bucayê operasyoneke berfireh hat lidarxistin. Di nav kesên hatine desteserkirin de Şaredarê Bucayê yê niha Gorkem Duman û Şaredarê berê Erhan Kiliç jî hene.
Ji bo 62 kesan biryara binçavkirinê
Li gorî agahiyên ku hatine bidestxistin, di çarçoveya lêpirsîna Serdozgeriya Îzmîrê de ji bo 62 kesan biryara binçavkirinê hatiye dayîn. Li ser vê biryarê, tîmên polîsan serê sibehê zû ketin tevgerê û li dijî navnîşanên kesên ku biryara wan a binçavkirinê heye, operasyoneke hevdem pêk anîn. Di encama van serdegirtinan de gelek kes hatin binçavkirin.
Pêla operasyonên li dijî Şaredariyên CHPê berdewam dike
Ev operasyona li Bucayê, berdewamiya zincîra lêpirsînên ku li Îzmîrê li dijî şaredariyên Partiya Gel a Komarî (CHP) tên meşandin e. Di rojên borî de jî operasyoneke bi heman rengî li dijî Şaredariya Guzelbahçeyê jî hatibû kirin.
Di wê lêpirsînê de ku ji aliyê Buroya Sûcên Teror û Rêxistinî ya Serdozgeriya Komarê ya Îzmîrê ve dihat birêvebirin, Şaredarê Guzelbahçeyê Mustafa Gunay û Midûrê Îmar û Bajarsaziyê Ozgur Bayraktar hatibûn girtin; her wiha sê gumanbarên din jî bi şerta kontrola edlî serbest hatibûn berdan.
Tê payîn ku di saetên pêş de derbarê hûrgiliyên operasyona Şaredariya Bucayê û sedemên desteserkirinê de agahiyên nû werin parvekirin.
