Li Amedê 9 kesên ku di 3yê Îlonê de hatibûn binçavkirin, bi şerta kontrola edlî hatin berdan.
Di çarçoveya lêpirsîna ku ji aliyê Serdozgeriya Komarê ya Amedê ve hatibû destpêkirin de, di 3yê Îlonê de di encama serdegirtina malan de 9 kes hatibûn binçavkirin. Hate zanîn ku ev kesên ku birin Midûriyeta Polîsan a Amedê, bi îdiaya “propagandaya rêxistinê kirine” hatine binçavkirin û îfadeyên wan bi vê îdiayê hate wergirtin. Piştî kar û barên binçavkirinê her 9 kes ji emniyetê sewqî Edliyeya Amedê hatin kirin.
Li dadgeriyê piştî kar û barên îfadeyê, her 9 kes jî bi şerta kontrola edlî hatin berdan.
