Li gorî daneyên MGMê pêlek berf, baran û bahoza ku tevahiya Bakurê Kurdistanê bigire bin bandora xwe tê. Di encama nixteyê de tê payîn ku germahiya newa di navbera 4 û 6 pileyan de dakeve.
Midûriyeta Giştî ya Meteorolojiyê (MGM) rapora xwe ya hewayê ya 9ê Nîsanê weşand. Meteorolojiyê ji bo 42 bajaran “koda zer” da û hişyariya barana, berf û bahozê da. Li gorî nirxandina dawî li seranserê welat hewa wê bi piranî ewravî be. Li bajarên wekî Amed, Dîlok, Sêrt û Rihayê barana bi birûsk, li bajarên wekî Erzirom, Qers û Wanê jî cih bi cih berf, barana û şilope tê payîn. Tê texmînkirin ku germahiya hewayê li Bakurê Kurdistanê ji 4 heta 6 pileyan dakeve.
Li Amed û herêma Botanê barana bi birûsk, li Erzirom, Qers, Wan û herêma Serhatê jî şilope û berf tê payîn. Tê texmînkirin ku baran li Agirî, Mûş, Dêrsim, Çewlîg, Amed, Botan û derdora Xarpêtê bi awayekî xurt bibare.
Ba dê bigihe leza 60 kîlemetreyî
Li rojhilatê herêma Serhatê tê payîn ku bayeke bi seatê bigihe leza 40-60 kîlometre dê rabe. Her wiha li cihên bilind ên Serhatê yên ku berfeke zêde lê heye, rîska aşûtê heye. Meteorolojiyê bang li welatiyan û şofêran kir ku li hemberî van rewşan baldar bin.
Bajarên bi koda zer hatine hişyarkirin wiha ne:
Bajarên ku koda zer ji bo wan hat dayîn wiha ne: Agirî, Çewlîg, Bedlîs, Amed, Erzîngan, Erzirom, Dîlok, Colemêrg, Qers, Mêrdîn, Mûş, Sêrt, Dêrsim, Riha, Wan, Êlih, Şirnex, Erdexan û Kilîs.
