Li Aydinê Saziya Çand û Hunerê ya Azad bi beşdariya gelek kesan hat vekirin. Di axaftinan de wiha hat gotin: “Deriyê saziyê ji her kesê ku dixwaze di vî warî gotinê bibêje, bixebite û hilberîne re vekirî ye.”
Saziya Çand û Hunerê ya Azad a Nûnertiya Koşk a Aydinê hat vekirin. Partiya Wekhevî û Demokrasiyê ya Gelan (DEM Partî) ya Aydinê, gelek rêxistinên civakî yên demokratîk û welatî tevlî vekirinê bûn. Dayika Aştiyê Behiye Yalçin a ku kurdeleyê birî, daxwaz kir ku ev vekirin bibe sedema aştiyê û azadiya fîzîkî ya Rêberê Gelê Kurd Abdullah Ocalan û got: “Sazî ji hemû gelê me re bi xêr be.”
Piştî vekirinê li saziyê stran hatin gotin û govend hat gerandin. Piştî pîrozbahiya li saziyê, li Eywama Dawetê a Sohbetê şahî hate lidarxistin.
Di şahiyê de Hevseroka Komeleya Çand û Hunerê ya Azad a Îzmîrê Belkisa Suleymanoglu axivî û got ku ew ê wek komele xebatên xwe bi hêzeke mezin bidomînin û wiha got. “Deriyê Saziya Çand û Hunerê ya Azad ji her kesê ku dixwaze di vî warî gotinê bibêje, bixebite û hilberîne re vekirî ye. Em dixwazin bersivê bidin daxwaz û xwestekên gel. Xebatên me li gorî xwestekên gelê me dest pê dikin lê paşê em ê di her qada hunerê de bersiv bidin gelê xwe. Saziya me ji bo gelê Aydinê bi xêr be.”
Piştre xebatkara Saziya Çand û Hunerê ya Azad a Nûnertiya Koşk a Aydinê Rojîn Tanhan got ku ew deriyê bi hev re hilberandinê, bi hev re îfadekirinê û bi hev re hebûnê vedikin û wiha dewam kir: “Saziya Çand û Hunerê ya Azad, li van axan girêkeke nû ya têkoşîna çandî ya ku bi salan e didome ye. Em hafizeyeke ji kevneşopiya Navenda Çanda Mezopotamyayê (MKM) tînin. MKM ne tenê navendeke çandê bû. Di heman demê de li hember qedexeyan zimanê xwe, muzîka xwe, şano ya xwe diparast.”
Herî dawî Sirri Sureyya Onder ê ku ji bo aştiyê kedeke mezin da hate bîranîn. Piştre pîrozbahî bi stranên Koma Vejîn û hunermend Mîran Hogir bi dawî bû.
