TJA bi sernavê “Mafê hêvîyê û azadî israra jinan e” li Eywana Konferansê ya Tahîr Elçî a Baroya Amedê komxebat li dar xistin.
Tevgerên Jinên Azad (TJA) li Eywana Konferansê ya Tahîr Elçî ya Baroya Amedê bi navê “Mafê hêviyê û azadî israra jinan e” komxebat li dar xist. Parlamentera Şirnexê ya Partiya Wekhevî û Demokrasiya Gelan (DEM Partî) Newroz Uysal, Hevseroka Partiya Heremên Demokratîk (DBP) Salîha Aydenîz, nûnerên Komeleya Hiquqnasên ji bo Azadiyê (OHD), Yekitiya Bijîşkan a Tirk (TTB), Hevşaredara Bajarê Mezin a Amedê (DBB) Serra Bucak, Baroya Amedê û gelek nûnerên saziyên sivîl ên jinan beşdarî komxebatê bûn. Di forûmê komxebatê de Parlamenterê DEM Partiyê a Şirnexê Newroz Uysal, Aktivîsta TJAyê Ayla Akat Ata û hevseroka OHDê Ekîn Yeter wek dîwan cîh girtin. Axiver û jinên tev li komxebatê bûne derbarê mijara “Mafê Hêviyê” axaftin kirin.
Newroz Uysal a tev li komxebatê bûye bal kişand ser mafên ‘Mafê Hevîyê’ û derbarê mijarê de anî ziman ku ew ji bo “Mafê Heviyê” xebatan didin meşandin û wiha got: “Mijara mafê hêvîyê ji bo jinan mijara Azadîyê ye.”
‘Tekoşîna me dê bi azadiya jinê ve serbikeve’
Newroz Uysal di berdewama axaftina xwe de bal kişand ser polîtîkayên tecrîdê ev tişt gotin. “Roja Rêberê Gelê Kurd Abdullah Ocalan hatiye dîlgirtin heya niha ew mijar ji bo mijareke sereke ye. Ji mijareke hiquqê derbas dibe, dibe mijarekî mirovahiyê, mijarekî azadîye, xwe naskirinê û xwebûnê. Îro bangawaziya me ya li vê derê, sekna me ya li vê derê carekî din diyar dike ku em ê bi riya hiquq û sîyasetê ji bo pêkanîna ‘Mafê Hêviyê’ têbikoşin. Em dizanin ku tekoşîna me dê bi azadiya jinê ve serbikeve.”
Komxebat, piştî axaftinan bi berzkirina diruşmên “Bijî Berxwedana Zîndanan”, “Bijî Serok Apo”, “Jin Jiyan Azadî” dawî bû.
