Kurdish Monitoring di rapora sê mehên sala 2025an de eşkere kir ku 24 caran mafê bikaranîna zimanê Kurdî hatiye binpêkirin.
Kurdish Monitoring (Platforma Çavdêrî û Rapornivîsînê ya Mafê Bikaranîna Zimanê Kurdî) derbarê binpêkirinên mafê bikaranîna zimanê Kurdî yên her sê mehên sala 2025an de raporek weşand.
Li gorî vê rapora ku Kurdish Monitoring; di her sê mehên destpêkê (Çile, Sibat, Adar) ên sala 2025an de, li qada civakî, medya, qada çand û hunerê û li girtîgehan 24 caran mafên bikaranîna Kurdî hatine astengkirin. Kurdish Monitoring, çavdêriyê li mafê bikaranîna Kurdî dike û ji bo civakê agahdar bike raporan amade dike. Ev bûyerên navborî, zext û zordariya di jiyana civakî de li Kurdî dibin, careke din nîşan didin.
Li gorî kategoriyan bûyerên ku pêk hatine:
* Qada Civakî: 5
* Medya: 8
* Çand-Huner: 7
* Girtîgeh: 4
Li gorî rapora sê mehên borî, herî zêde di medyayê û qada çand û hunerê de maf hatine binpêkirin. Malper û hesabên medyaya civakî yên Ajansa Mezopotamyayê, JinNewsê û saziyên din ên medyayê hatin astegkirin. Piraniya caran malperên Tirkî yên van ajansan tên astengkirin lê di heman demê de ev biryar bandorê li beşên wan ên Kurdî jî dikin. Her wiha zext û zordarî li hunermend û akademisyenên Kurd jî hatin kirin.
Di raporê de astengiyên li jêr tomar kiriye:
* Li Civaka Giştî ya Parlamentoyê gotina “Jin Jiyan Azadî” di zabitnameyan de nehrte nivîsîn.
* Pankartên bi Kurdî hatin qedexekirin an jî bi darê zorê daxistin.
* Ji ber ku stranên bi Kurdî strane, stranbêjên Kurd hatin cezakirin.
* Li girtîgehan axaftina bi Kurdî, şandin û wergirtina nameyan ên bi Kurdî hate qedexekirin.
* Hesabên Kurdî yên saziyên medyayê yên medyaya dîjîtal hatin girtin. Bi giştî ev binpêkirin jî nîşan didin ku hebûna Kurdî a li qada civakî bi rengekî sîstematîk di bin zextan de ye.
Berfirehiya raporê wiha ye:
Kurdish Monitoring Kanuna Pasiyê Sibat Adar 2025 Kurdi
