Kongra Star diyar kir ku tevlîkirina zimanê Kurdî di rêbazên perwerdeyê de gavek erênî ye, lê ew bi tevahî daxwazên têkildarî perwerdeya bi zimanê dayikê pêk nayne û got ku veqetandina 3 dersan heftane ji bo zimanê Kurdî nagihîje asta naskirina rastîn a mafê gelê Kurd ê perwerdeya bi zimanê dayikê.
Kongra Star derbarê perwerdeya bi zimanê Kurdî bi beşdariya endamên sazî û meclisên sivîl ên li Dirbêsiyê daxuyaniyek da. Daxuyaniya bi zimanê Kurdî ji hêla endama Kongra Star Aya Hisên û bi zimanê Erebî jî ji hêla endama Kongrê Fatma Kelaş ve hate xwendin.
Kongra Star diyar kir ku tevlîkirina zimanê Kurdî di rêbazên perwerdeyê de gavek erênî ye, lê ew bi tevahî daxwazên têkildarî perwerdeya bi zimanê dayikê pêk nayne û da zanîn ku veqetandina 3 dersan heftane ji bo zimanê Kurdî nagihîje asta naskirina rastîn a mafê gelê Kurd ê perwerdeya bi zimanê dayikê.
Di daxuyaniyê de hat destnîşankirin ku amadekirina rêbazên bi zimanê Kurdî dikare bibe alîkar ku girêdana zarokan bi zimanê wan re xurt bibe û hebûna wê di saziyên perwerdeyê de zêde bike, lê bi tena serê xwe ne bes e ku mafê tevahî yê perwerdehiya bi zimanê dayikê garantî bike.
Her wiha Kongra Star banga pejirandina zimanê Kurdî wekî zimanê sereke di pêvajoya perwerdeyê de li deverên ku Kurd lê dijîn, kir.
