Heyeta Enqereyê ku ji Wezîrên Karên Derve, Wezîrê Parastinê û Serokê Îstîxbaratê pêk tê gihişt Şamê. Di rojeva heyetê de Rêveberiya Xweser a Bakur û Rojhilatê Sûriyê heye.
Di demek mûzakereyên di navbera Hikûmeta Demkî ya Sûriyê û Rêveberiya Xweser a Bakur Rojhilatê Sûriyê berdewam dikin de heyetek ji Tirkiyê gihişt Şamê. Heyet ji Wezîrê Karên Derve Hakan Fîdan, Wezîrê Parastinê Yaşar Guler û Serokê MÎTê Îbrahîm Kalin pêk tê. Heyet ji bo hevdîtinan li Şamê ye. Hate zanîn ku di rojeva heyetê de mûzakereyên Hikûmeta Demkî yên bi Rêveberiya Xweser re heye. Ev demek e bi boneya pêkanîna Peymana 10ê Adarê di navbera her du aliyan de hevdîtin tên kirin. Tê payîn ku çûyîna heyeta Tirkiyeyê ya Şamê û hevdîtinên wê dê bandorek neyînî li ser pêvajoyê bike. Ji ber ku Tirkiye hewl dide dijberiya xwe ya li dijî Kurdan li ser Şamê jî bisepîne.
Ev polîtîkayên Tirkiyê li aliyekê dibe sedema aciziya hêzên navneteweyî yên têkildarî Sûriyê û li aliyê din jî dibe sedema berteka gel û baweriyên li Sûriyê yên wekî Kurd, Durzî, Xiristiyan, Elewî û kêmarên din.
