• Kurmancî
  • Kirmanckî
  • |
  • Derbarê Me De
  • |
[email protected]
Ajansa Welat
21 MIJDAR 2026
Encamek nîn e
View All Result
  • ROJANE
    TOHAV parêzerên Kurd ên hatine qetilkirin bi bîr anî

    TOHAV parêzerên Kurd ên hatine qetilkirin bi bîr anî

    Zarokan ji bo Ocalan wêne xêz kirin

    Zarokan ji bo Ocalan wêne xêz kirin

    YNK û PDKê li Hewlêrê hevdîtin pêk anîn

    YNK û PDKê li Hewlêrê hevdîtin pêk anîn

    Tulay Hatîmogullari: Ji bo pêvajoyê piştgiriya herî xurt berdana girtiyên nexweş e

    Tulay Hatîmogullari: Ji bo pêvajoyê piştgiriya herî xurt berdana girtiyên nexweş e

    Aqûbeta jinên ku hatine qetilkirin û windakirin pirsîn

    Aqûbeta jinên ku hatine qetilkirin û windakirin pirsîn

    ‘Bi avakirina komînan em ê di vê pêvajoyê de bigihijin serkeftinê’

    ‘Bi avakirina komînan em ê di vê pêvajoyê de bigihijin serkeftinê’

  • JIN
  • ÇAND Û HUNER
  • POLÎTÎKA
  • EKOLOJÎ
  • CIVAK
  • TENDURISTÎ
  • DARAZ
  • KED Û ABORÎ
  • CÎHAN
  • ANALÎZ-DOSYE
  • SPOR
  • HEMÛ NÛÇE
  • ROJANE
    TOHAV parêzerên Kurd ên hatine qetilkirin bi bîr anî

    TOHAV parêzerên Kurd ên hatine qetilkirin bi bîr anî

    Zarokan ji bo Ocalan wêne xêz kirin

    Zarokan ji bo Ocalan wêne xêz kirin

    YNK û PDKê li Hewlêrê hevdîtin pêk anîn

    YNK û PDKê li Hewlêrê hevdîtin pêk anîn

    Tulay Hatîmogullari: Ji bo pêvajoyê piştgiriya herî xurt berdana girtiyên nexweş e

    Tulay Hatîmogullari: Ji bo pêvajoyê piştgiriya herî xurt berdana girtiyên nexweş e

    Aqûbeta jinên ku hatine qetilkirin û windakirin pirsîn

    Aqûbeta jinên ku hatine qetilkirin û windakirin pirsîn

    ‘Bi avakirina komînan em ê di vê pêvajoyê de bigihijin serkeftinê’

    ‘Bi avakirina komînan em ê di vê pêvajoyê de bigihijin serkeftinê’

  • JIN
  • ÇAND Û HUNER
  • POLÎTÎKA
  • EKOLOJÎ
  • CIVAK
  • TENDURISTÎ
  • DARAZ
  • KED Û ABORÎ
  • CÎHAN
  • ANALÎZ-DOSYE
  • SPOR
  • HEMÛ NÛÇE
Encamek nîn e
View All Result
Ajansa Welat
Encamek nîn e
View All Result

‘Heta deriyê Îmraliyê venebe baweriya kurdan bi kesekî nayê’

Fexredîn Kiliç / AW

28 MIJDAR 2024 - 08:14
Kategorî: JIN, MANŞET
A A
Amed – Endama Meclisa Dayikên Aştiyê ya Amedê Raîfe Ozbey têkildarî geşedanên di rojevê de axivî û wiha got: “Me got belkî pêvajo ber bi başiyê ve biçe tecrîd rabe deriyê Îmraliyê vebe. Lê tecrîdê giran dikin. Heta deriyê Îmraliyê venebe û fikrên wî neyên girtin, baweriya kurdan bi kesekî nayê.”

Înisiyatîfa Dayikên Aştiyê, di sala 1999an de dest bi têkoşîna xwe kir. Înîsiyatîfê di encama 2’yemîn konferansa xwe ya ku di navbera 5-6ê Cotmeha 2013an de li Amedê li dar xist de biryar girt ku Meclisa Dayikên Aştiyê ava bikin. Meclisa Dayikên Aştiyê ji roja ku ava bûye ve ji bo ku şerê heyî bê bidawîkirin û aştiyeke bi rûmet pêk were li bakurê Kurdistanê û Tirkiyeyê têdikoşe. Dayikên Aştiyê gelek caran ji bo ku şer bi dawî bibe û êdî kes neyê kuştin bûn mertalên zindî, carnan zivistan û havînan kon vedan û bi rojan li ber xwe dan. Carnan têkiliyên dîplomatîk bi rê ve birin. Lê dewletê gelek caran êrişî dayikan kir, ew darizandin û ceza kirin. Dayikên Aştiyê tevî van hemûyan têkoşîna xwe ya aştiyê domandin.

Endama Meclisa Dayikên Aştiyê ya Amedê Raîfe Ozbey têkildarî têkoşîna xwe û geşedanên di rojevê de ji ajansa me re axivî.

Raîfe Ozbey qala xebatên xwe yên Meclisê kir û wiha got: “Niha jî tişta ji destê me tê em dikin. Me got belku pêvajo ber bi başiyê ve biçe lê başî û qencî tune ye. Me got belku tecrîd rabe deriyê Îmraliyê vebe. Bi Serokatî re hevdîtin çêbibin ka ew çi dibêje. Lê tecrîdê giran dikin. Ev yek nayê qebûlkirin. Ev ne tişteke hiqûqî ye. Ya rastî heq û hiqûq û edalet li vî welatî nemaye. Ji bo me kurdan qet tune ye. Her yek tiştekê dibêje lê baweriya me bi wan tune ye. Heta ku em encamekê negirin, heta ku hevdîtin çênebe baweriya me bi kesekî tune ye. Heta deriyê Îmraliyê venebe û fikrên wî neyên girtin, baweriya kurdan bi kesekî nayê. Bila pêşiyê vê yekê pêk bînin. Sed salan e neheqî li me tê kirin. Bila êdî dev ji vê tiştê berdin. Vê zilmê li ser me rakin. Me heq nekiriye em qebûl nakin. Ev pêvajo 40 sal in berdewam dike û her ku diçe xetere dibe. Her roj gerîla şehîd dikevin, leşker û polîs dikevin. Hêsirên çavên dayikan dirijin, kezeba dayikan dişewite, ev ne tişteke rast e.”

‘Qeyûm bêhiqûqî, bêedaletî û zilm e’

Raîfe Ozbey, bal kişand ser tayînkirina qeyûman a li şaredariyên ku DEM Partiyê bi dest xistibûn û wiha berdewam kir: “Qeyûm bêhiqûqî ye, bêedaletî ye, zilm e, weke ku maleke te hebe yek were te ji mala te derxîne, ev tişteke rast nîne. Em bi tundî şermezar dikin. Bila dest ji vê tiştê berdin. Di dinyayê de ev tişt nayê qebûlkirin. Em jî tu caran qebûl nakin. Ji ber ku Şaredarê Esenyûrtê Ahmet Ozer kurd bû qeyûm tayînî şuna wî kirin û pişt re dest avêtin şaredariyên me. Bi sûcdariyên derew vê yekê dikin. Evqas derew, neheqî û bêhiqûqî nabe, nayê qebûlkirinê.”

‘Wê heta kengî şer berdewam bike’

Raîfe Ozbey, qala nîqaşên li ser pirsgirêka kurd tên meşandin û tecrîda li ser Rêberê PKKê Abdullah Ocalan kir û wiha dirêjî da axaftina xwe: “Wexta gotin diçin bi Serokatî re hevdîtinê dikin em gelek keyfxweş bûn. Me got belku vê carê bi xêr çareseriyek çêbibe lê mixabin hêviya me tune ye. Em ê bisekinin, bibînin ka dê çawa çêbibe. Di serî de bila deriyê Îmraliyê bê vekirin, bila siyasetmedarên me yên kurd bên berdan. Bila rêveberên me bi rêveberên tirkan re rûnin û çareseriyekê pêk bînin. Wê heta kengî şer berdewam bike. Wê heta kengî kuştin, girtin çêbin. Her roj balafirên şer radibin. Mesrefa van balafiran çiye? Ji me tê birîn. Kîloyeke xiyar bûye 70-80 lîre. Kîloyeke goşt vaye diçe hezar lîre. Mirov êdî nikarin xwarin bibin mala xwe. Mirov nikarin kirêya xwe bidin. Ev hemû ji ber vî şerê qirêj e. Hemû budçe ji vî şerî re diçe.”

‘Heqaret li herkesê tê kirin’

Raîfe Ozbeyê di berdewama axaftina xwe de wiha got: “Heqaret li herkesê tê kirin lê tirk vê fehmê nakin. Yek dernakeve nabêje ev şerê qirêj ji bo çi berdewam dike. Madî manewî bi her awayî em tên pelçiqandin. Yekî tirk narabe vê nabêje. Nabêjin bila zarokên tirk û kurd neyên kuştin. Bila hêsirên çavên dayikan neyên rijandin. Me li her cihî got bila dayikên leşker û polîsan bên em destê hev bigirin, em li dijî vî şerî derkevin. Bila zarokên me neyên kuştinê neyên girtinê. Lê me tu bersiv ji wan negirt. Ew jî vê pergalê ji rêveberên xwe re napirsin nabêjin ev dê heta kengî berdewam bike. Bi me tenê jî nabe divê em dayik destê hev bigirin. Êşa dile me, hêsirên çavên me yek in. Hewceye em destê hev bigirin, pêşiyê li vî şerî bigirin. Êdî bes e ji vî şerî re. Heke wan jî gotibûya dibe ku şer sekinîbûya.”

‘Tiştek bi şer çareser nabe’

Raîfe Ozbey, bang li rêveberên dewletê kir û axaftina xwe wiha bi dawî kir: “Ev welat di destê wan de ye bila vî welatî ji niha şunde hinek din jî bi paş ve nebin, bila bi pêş ve bibin. Bila rojekê xwe têxin şûna me, bêjin zarokê me yan li çiyê ye yan li qereqolan li operasyonê ye, rewşa wî çiye, ew ê sibê çi xeber jê were. Di serî de wekîlên kurd ên di nava AKPê MHPê de ne, di nav partiyên pergalê de ne, destên xwe deynin ser wijdana xwe. Daxwaza me ew e ku ev şer bisekine, xwîn nerije, dayik negirîn. Bi taybetî li welatê me, li Filistînê li her aliyê cîhanê yê şer heye bila êdî şer bisekine. Tiştek bi şer çareser nabe.”

Etîket: Dayikên AştiyêQeyûmRaîfe Ozbey
Parve BikeTweetWhatsAppParve BikeParve Bike

Nûçeyên Din

Barê herî giran li ser milên dayikan e: Armanca têkoşînê aştî ye

Barê herî giran li ser milên dayikan e: Armanca têkoşînê aştî ye

15 MIJDAR 2026
Dayikên Aştiyê bi Numan Kurtulmuş re hevdîtin pêk anî

Dayikên Aştiyê bi Numan Kurtulmuş re hevdîtin pêk anî

4 MIJDAR 2026
Dayikên Aştiyê li Meclisê ne: Serdana Yenî Partiyê hate kirin

Dayikên Aştiyê serdana CHPê kir

3 MIJDAR 2026
Dayikên Aştiyê çûn serdana AKPê û dosyeyek radest kir

Dayikên Aştiyê çûn serdana AKPê û dosyeyek radest kir

3 MIJDAR 2026
Dayikan li Meclisê bang kir: Werin destê xwe bidin destê birêz Ocalan

Dayikan li Meclisê bang kir: Werin destê xwe bidin destê birêz Ocalan

3 MIJDAR 2026
Dayikên Aştiyê li ber meclisê bang kirin: Statuya Serokatî bi cih bînin

Dayikên Aştiyê bi Wezîrê Dadê re hevdîtin pêk anî

3 MIJDAR 2026

ÊN ZÊDE HATINE XWENDIN

  • Ezîzê Mûso koça dawî kir

    Ezîzê Mûso koça dawî kir

    Parve Bike
    Parve Bike Tweet
  • Rûken Kilinç: Divê gorên Seîd Riza û hevalên wî bê eşkerekirin

    Parve Bike
    Parve Bike Tweet
  • Ji zaroktiya xwe heta girtîgehê evîna hunerê: Divê Kurd afirîner bin

    Parve Bike
    Parve Bike Tweet
  • Bi îşkenceyê tê girtin û niha nexweş e!

    Parve Bike
    Parve Bike Tweet
  • Keskîn Bayindir: Guhertina cihê birêz Ocalan nabe şert û mercên azad

    Parve Bike
    Parve Bike Tweet
  • Dayika girtiyê nexweş: Kurê min nexweş e û 8 sal in min ew nedîtiye

    Parve Bike
    Parve Bike Tweet
  • Ji Wezareta Çandê bersivek sosret: Medreseya Feqiyê Teyran ne aîdî me ye

    Parve Bike
    Parve Bike Tweet
  • Polîsan bi ser avahiya Weşanxaneya Belkiyê de girt

    Parve Bike
    Parve Bike Tweet
  • Dayika Aştiyê: Ez hêza têkoşînê ji şehîdên xwe digirim

    Parve Bike
    Parve Bike Tweet
  • ‘Budçeya tendirustiyê ne li gor pêwîstiyên gel tê amadekirin’

    Parve Bike
    Parve Bike Tweet

Ajansa Welat, bi nûçeyên taybet, dosya, lêkolîn, dîmen û deng civakê agahdar û ronî dike.

Bi şîara agahiyên rast û objektif weşanê esas digire, li ser şopa heqîqetê agahiyan belav dike.

Ajansa Welat bi nûçe û naverokên xwe dibe deng û rengê welat.

Xwediyê Îmtîyazê: Fahrettin Kılıç

Berpirsiyarê Karên Nivîsan: Mahmut Altıntaş

Navnîşan: Fırat Mahallesi, 553. Sokak, Tanlar Şehri Teras Evleri, B Blok,
Kat: 5 - No: 40, Kayapınar, Diyarbakır

Telefon: +90 (532) 519 37 73

E-mail: [email protected]
Malper: www.ajansawelat1.com
Twitter Youtube Instagram Whatsapp
  • Serrûpel
  • Têkilî
  • Derbarê Me De

© 2024 Ajansa Welat ● Yekemîn Ajansa xwerû Kurdî ● Hemû maf parastî ne

Encamek nîn e
View All Result
  • HEMÛ NÛÇE
  • ROJANE
  • JIN
  • ÇAND Û HUNER
  • POLÎTÎKA
  • EKOLOJÎ
  • CIVAK
  • TENDURISTÎ
  • DARAZ
  • KED Û ABORÎ
  • CÎHAN
  • ANALÎZ-DOSYE
  • SPOR
  • KIRMANCKÎ

© 2024 Ajansa Welat ● Yekemîn Ajansa xwerû Kurdî ● Hemû maf parastî ne