Festîvala Çand û Hunerê ya Kanîreşê bi pêşbaziya hespan dest pê kir.
Festîvala Çand û Hunerê ya Kanîreşê piştî 16 salan li navçeya Kanîreş a Çewlîgê tê lidarxistin, bi pêşbaziya hespan dest pê kir. Pêşbaziya ku li gundê Toxliyanê hat lidarxistin, tevî nûnerên partiyên siyasî û saziyên civakî bi hezaran kes beşdar bûn. Pêşbaziya ku bi 30 hespan, di çar kategoriyan de tê lidarxistin, di her kategoriyê de kûpa û zêr dê ji bo 3 kesên ewil ên serketî, bê dayîn.
Piştî pêşbaziya hespan, li ber def û zurnê govend hat gerandin. Welatiyên ku weke temaşevan beşdarî pêşbaziyê bûn, kêfxweşiya xwe ya ji bo festîvalê anîn ziman.
Bernameya îro ya festîvalê dê bi panelên li ser ekolojiyê û dengbêjan berdewam bike.
