Roja yekemîn a Festîvala Çand û Xwezayê ya Kanîreşê ku li navçeya Kanîreşê ya Çewligê bi dîwana dengbejan dawî bû.
Festîvala Çand û Xwezayê ya Kanîreşê ku li navçeya Kanîreşê ya Çewligê tê lidarxistin, bi dîwana dengbejan berdewam kir. Bi piştî pêşbirka hespan bi panela ekolojiyê û dîwana dengbêjan berdewam kir. Ligel nûnerên partiyên siyasî û saziyên civaka sivîl, gelek welatî beşdarî dîwana dengbêjan bûn.
Dîwana dengbêjan ku bi pêşkêşvaniya dengbêj Mûhammedê Şemê hat birêvebirin, rastî eleqeyeke mezin a gel hat. Di bernameyê de dengbêj Muhyetîn Aksoy, dengbêj Şerefdîn, dengbêj Yusufê Goşkorî, dengbêj Mustafa yê Botî, dengbêj Ozan Serkan, dengbêj Selahattîn, dengbêj Fexredîn û dengbêj Nurettîn Zorbozan derketin ser dikê û yek bi yek kilamên xwe yên ku kûraniya dîrok, çand û xemên gelê herêmê vedibêjin gotin.
Piştî dîwana dengbêjan, hunermend Îdrîs Bêrîtan derket ser dikê û bi stranan qada festîvalê hejand. Beşdarên festîvalê jî bi stranên hunermend govend gerandin û coşa festîvalê gihandin asta herî bilind.
Bernameyên roja yekemîn bi gerandina govendê dawî bû.
