Stenbol – Tahîr Yavîç (Agir Adar) di sala 1999an de li dijî komploya navneteweyî tev li PKKê dibe û di sala 2007an de şehîd dikeve. Fatîh Yavîç jî navê birayê xwe Agir Adar li xwe dike û tev li PKKê dibe û ew jî di sala 2017an de şehîd dikeve. Bavê du şehîdan Mehmet Yavîç diyar kir ku ew bi şehîdên xwe serbilind in.
Piştî ku Tevgera Azadiyê ya Kurdistanê endamên xwe yên di dîrokên cuda de jiyana xwe ji dest dane aşkere kir, li Kurdistan û Tirkiyeyê bernameyên bîranîna pêk hatin. Gelê Kurd ku bi salan e di nava têkoşînekî de ye û di vê têkoşînê de êş û şîna xwe her car paş ve hiştibû. Bi aşkerekirina şehîdan êdî dem bûbû bîranîna şehîdan û pêkanîna erka dawî ya ji bo şehîdan. Ev nêzî mehekî ye li Tirkiyeyê û Kurdistanê gelek bajaran bernameyên bîranînê têne lidarxistin. Gelê Kurd li dora malbatê şehîdan bû xelek. Hem êş û hem jî serbilindî bû tevahiya Kurdistanê, xwedî derketin bû yê hemû gelê Kurd daku şehîd ji bo vî gelê canê xwe feda kiribûn.
Têkoşîna malbata Yavîç
Stenbolê jî heman rewş hebû. Gelê Kurd ku ji salên 90î ve ji ber sedema polîtîkayên şer koçî metropolên Tirkiyeyê kiribûn, ji ber polîtîkayên şer asîmlekirina gelê Kurd hatibû xwestin. Lê gelê Kurd li ku bê jî ji çand û têkoşîna xwe dûr neket. Ji hezar kîlometereyê dûr zarokên Kurd berê xwe dan Kurdistanê. Bi vê re derket holê ku dûrketina ji axê nayê wateya dûrketina têkoşînê. Malbata Yavîç jî ji wan malbatan bû ku ji Agiriyê koçî Stenbolê kiribûn. Li Stenbolê jî dev ji têkoşînê bernedan. 8 kur û 2 keç, 10 zarokê malbata Yavîç hebû. Tahîr Yavîç (Agir Adar) di sala 1999an de tev li PKKê dibe, Fatîh Yavîç (Agir Adar) li pey şopa birayê xwe di sala 2014an de berê xwe dide çiyayên Kurdistanê.
Du bira du şehîd
Di 13yê Îlonê de li navçeya Gazîosmanpaşayê taxa Karayollariyê ji bo şehîdên Tevgera Azadiya Kurd bernameya bîranînê hate lidarxistin. Di bernameyê de bav û dayika Fatîh Yavîç (Agir Adar) jî ji bo zarokên xwe tev li bîranînê bûbûn. Piştî ku Rêberê Gelê Kurd Abdullah Ocalan di sala 1999an de bi kompleyekî navneteweyî radestî Tirkiyeyê hatibû kirin Tahîr Yavîç (Agir Adar) jî li dijî komployê wekî bersiv, di sala 1999an tev li têkoşîne dibe û di sala 2007an de li Erzinganê şehîd dikeve. Fatîh Yavîç (Agir Adar) wekî birayê xwe herdem di nava xebatan de bû. Her kesên li derdora wî gelek jê hez dikir. Di dilê Fatîh de rêya birayê wî, jiyana azad heye. Fatîh Yavîç rojekî ya sala 2014an li pey şopên birayê xwe diçe. Çawa ku diçe çiyayên Kurdistanê navê birayê xwe Agir Adar li xwe dike û wekî birayê xwe dibe şervanê azadiyê. Bi salan li çiyayên Kurdistanê li ser şopên birayê xwe dimeşê û di sala 2017an de şehîd dikeve.
Bav Mehmet Sena 87 salî, dayik Kudret jî 82 salî ji bo bîranîna zarokên xwe yê bi navê Fatîh Yavîç (Agir Adar) û Tahîr Yavîç (Agir Adar) tev li bîranînê bûbûn. Her du jî tevî emrên xwe yên mezin jî bi awayekî zindî di bîranînê de wekî nîşaneya serfiraziyê cih girtibûn. Mehmet Sena Yavîç ji ajansa me re qala zarokên xwe kir.
‘Ez bi şehîdên xwe serbilind im’
Mehmet Yavîç diyar kir ku ew ji Agiriyê koçî Stenbolê kiriye û wiha axivî: “8 kur û 2 keça min heye. 2 kurê min şehîd in. Tahîr Yavîç û Fatîh Yavîç şehîd in. Tahîr di sala 1999an de piştî Abdullah Ocalan hate girtin tev li partiyê bû. Fatîh Yavîç herî biçûkê zarokê min bû. Fatîh navê birayê xwe Agir Adar li xwe kir. Fatîh delalê mala me bû. Tahîr Yavîç jî gelek zîrek bû. Her du jî ji Stenbolê tev li partiyê bûn. Ez bi şehîdên xwe serbilind im. Şikir ji xwedê re ku du şehîdên min hene. Tevahî şehîd ji bo min yek in. Em hêvîdar in ku bi destê Serok dê aştî pêk were. Divê em li pey Serok bin. Dema ku em destê Serok xurt bikin, Serok azad bibe em ê tev jî azad bibin.”
