Şirnex – Meclisa Dayikên Aştiyê ya Şirnexê beriya konferansa 18-19ê Cotmehê pêk were li Cizîrê civiyan.
Meclisa Dayikên Aştiyê ya Şirnexê di çarçoveya Pêvajoya Aştî û Civaka Demokratîk de dê 18-19 Cotmehê li Botanê konferasekê li dar bixe. Beriya konferansa mezin were pêkanîn, Meclisên Dayikên Aştiyê ya Şirnexê dest bi civînên pêşkonferansên xwe kirin. Civîna destpêkê ya îro li Eywana Konferansê ya Şehîd Orhan Dogan, bi tevlîbûna gelek Dayikên Aştiyê pêk hat.
Di eywana civînê de pankarta, “Dayîkên Aştiyê yên Botanê deng didin Îmraliyê” hat vekirin. Piştî rêzgirtina ji bo cangoriyên azadiyê Aktîvîsta Tevgera Jinên Azad (TJA) Çîmen Fîdan axaftina vekirinê ya pêşkonferansê kir. Çîmen Fîdan diyar kir ku dayîkan gelek berdêlên mezin dane û got ku aştiya herî mezin jî dayik heq dikin. Çîmen Fîdan destnîşan kir ku wan konferans diyarî Rêberê Gelê Kurd Abdullah Ocalan kiriye û ew hêvî dikin ku şer bi dawî bibe, aştî pêk bê.
Piştî axaftina Çîmen Fîdanê, konferans ji çapemeniyê re girtî dom kir.
