Cenazeyê Rojnemevan Demhat Akar ku li Wargeha Mexmûrê ji ber qeyrana dil jiyana xwe ji dest dabû gihişt Şirnexê.
Rojnemevan Demhat Akar beriya 4 rojan li Wargeha Penaberan a Mexmûrê ji ber qeyrana dil jiyana xwe ji dest dabû. Cenazeyê Akar ji bo li navçeya Gimgimê were definkirin ji aliyê malbata wî ve hat stendin. Piştî kar û barên fermî malbatê cenaze li ser Deriyê Sînor ê Xabûrê re anî Şirnex. Li ber deriye sînor cenaze ji aliyê rêveber û endamên MEBYA-DER Botanê, DEM Partî û DBPê yên Şirnexê, aktîvîstên TJAyê û gelek welatiyan ve hat pêşwazîkirin.
Cenaze ji bo otopsiyê birin Nexweşxaneya Dewletê ya Şirnexê, hate hînbûn ku piştî otopsiyê cenazeyê Akar ê li navçeya Gimgim a Mûşê were definkirin.
