Înîsiyatîfa Girtiyên Nexweş re Azadî di çalakiya vê hefteyê de bal kişand ser rewşa girtiyê nexweş Cemîl Îvrendî ye tevî nexweşiyên giran jî nayê berdan û hat diyarkirin ku tevî 12 caran ameliyat bû ye jî infaza wî 6 caran hatiyê taloqkirin.
Înîsiyatîfa ji Girtiyên Nexweş re Azadî, di çalakiya xwe ya 575an de li kolana Sakarya ya navçeya Çankaya ya Enqereyê daxuyanî da. Di daxuyaniyê de pankarta “Tedawî maf e nayê asteng kirin, bila girtiyên nexweş bên berdan” hat hilgirtin. Her wiha girseyê bênavber dirûşmeyên,”Tecrîd îşkence ye bila bi dawî bibe” û “Ji girtiyên nexweş re azadî” berz kirin.
Metna daxuyaniyê ji aliye rêveberê Şaxa Komeleya Mafê Mirovan (ÎHD) a Enqereyê Bariş Barişik ve hat xwendin. Bariş Barişik bal kişandin ser rewşa girtiyê nexweş Cemîl Îvrendî yê ku di girtîgeha Tîpa S a Kirşehîrê tê girtin.
Barişik diyar kir ku Cemîl Îvrendî yê 61 salî tevî nexweşiyan jî zêdetirî 30 sal in di girtîgehê de e û ev tişt gotin:”Cemîl Îvrendî bi nexweşiya kêmasiya dil, tansiyona bilind, kolesterol bilind û çar nexweşiyên wî yên kronîk ên giran hene. Ji ber şert û mercên girtîgehê tedawiya wî bi rêk û pêk nabe. Cemîl Îvrendî 12 caran hatiye ameliyatkirin. Ev jî rewşa ne baş a pergala tenduristiyê ya Tirkiyeyê nîşan dide. Înfaza Cemîl Îvrendî zêdetirî 2 sal in tê astengkirin. Wî 4 caran sewqî ATKê kirin, raporên wî nehatine erêkirin û rêveberiya girtîgehê jî gotiyê ‘Divê di girtîgehê de bimîne.’ Ev rapor, li dijî standardên mafên mirovan ên navneteweyî ne. Tevî ku dîroka berdana Cemîl Îvrendî derbas bû ye jî ji aliyê Lîjneya Çavderiya Rêveber ve 6 mehan hatiye taloqkirin. Raporên Cemîl Îvrendî divê bi lez ji bo ATKê bên şandin, tetkîk û dermankirinên wî bêne kirin. Divê girtîgeh nebin cihê mirina girtiyên nexweş û ji bo dermankirinê divê girtiyên nexweş bên berdan. Divê raya giştî li hemberî vê pirsgirêkê, bi hestyarî tev bigere.”
Daxuyanî bi berzkirina dirûşmeyan bi dawî bû.
