Haydar Sezer, bavê endama Konseya Rêveber a KCKê Fatma Adir li Dêrsîmê hat definkirin.
Haydar Sezer (90), bavê endama Konseya Rêveber a KCK’ê Fatma Adir ku di 20ê Adarê de li Stuttgart a Almanyayê jiyana xwe ji dest da, li bajarê xwe yê jidayikbûnê Dêrsimê hat definkirin. Di merasîma cenaze de Hevseroka Partiya Herêmên Demokratîk Çîgdem Kiliçgun Ûçar, Parlamentera Partiya Wekhevî û Demokrasiyê ya Gelan (DEM Partî) a Dêrsimê Ayten Kordû, nûnerên partiyên siyasî û rêxistinên girseyî yên demokratîk û gelek kesên din amade bûn.
Çîgdem Kiliçgun Ûçar ku di merasîma cenaze de axivî, got: “Dibe ku em hevdu nas nekin, lê em baş dizanin ku piştî sala 1938an, me li vê herêmê sirgûn û mirin dîtiye. Em ji zarokatiya xwe, ji çanda xwe, ji welatê xwe û ji zimanê xwe hatin qutkirin. Her çend li Ewropayê jiyabe jî, bi nasname û zimanê xwe hebûna xwe domand. Dibe ku ew ji welatê xwe dûr bû, lê wî her gav nasname û welatê xwe di dilê xwe de hildigirt. Ji bo ku ew welat û nasnameya xwe ji bîr nekin, bi zarokên xwe re bi zimanê xwe diaxivî. Îro, em wî li axa wî, wî ber bi rêwîtiya wî ya dawî ve rê dikin.”
Biraziyê wî Îmdat Sever jî got: “Bi pabendbûna wî ya bi çanda me re, me hişmendiyek nû bi dest xist. Evîna wî ya ji bo çanda xwe, xweza û gelê xwe me rûmetyar kir.”
Piştî merasîma cenaze ku li Cemxaneya Seterê hat lidarxistin, Sezer li Goristana Gundê Seterê hat veşartin.
