Cangoriyên komkujiya gundê Koço bi merasimekî li gundê Koço hatin bibîranîn. Beşdarên merasimê daxwaz ji hikûmeta Iraqê kirin ku jenosîda Êzidiyan qebûl bike.
Li Şengalê salvegera12’emîn de nêzî mehekiye merasimê bîranînên cangoriyên fermanê têne lidarxistin. Îro yek ji wan merasimên bîranîna cangoriyan, li gundê Koço hate lidarxistin. Merasim di seaten navrojê da li medreseya gundê Koço ku niha mezargeha cangoriyên fermanê li ber hatiye çêkirin, hate lidarxistin. Merasim bi rêzgirtinê hate destpêkirin û piştra li ser fermanê û cangoriyên fermanê axaftin hatin kirin û li mezargehê rêwresmên ayînî hatin pêkanîn.
Di merasima cangoriyên gundê Koço da di serî da Bavê Şêx û Şandeya Ayinî ya Êzidiyan, Meclisa Gel a Şengalê, parlamenterên Êzidî, gelek nûnerên saziyên Şengal û derdorê di merasimê da amede bûn.
‘Gundiyên gundê Koço serê xwe dan, lê ola xwe nedan’
Îdrîs Bişar Silo ku di dema fermanê da di gundê Koço bû û yek şahidên komkujiya gundê Koço ye ku roja fermanê, di gorên komî da rizgar bûye, di merasimê da axivî û behsa wan keliyên kir û wiha got: “Roja fermanê DAIŞ’ê sê aliyên gunda êriş kirin û heta 15’yê Tebaxê gund dorpêçê da bû. Roj 15’yê Tebaxê em hemû li medreseya gunda kom kirin, zilam birin qata jêr, jin û zarok birin qata duduyan. Emîrên DAIŞ’ê axivî û got ‘divê hûn bibin misilman’. Lê muxtarê gundê me Ehmed Caso gotê ‘em dinê xwe naguherîn û nabin misilman.
Dema dîtîn tu kes dinê îslamê qebul nake, seyare anîn û kom bi kom li seyaran siwar kirin ji gund derxistin, ez di koma çaran de ji gund derxistim. Em birin derveyê gund, li ber siba avê em daxistin, gule li ser me reşandin. Wê demê hemû kesên di destê wan de, dilsoziya xwe bi ola Êzdayetiyê anîn ziman. Di wê gora komî de em şeş kes filitîn.
Ez karim veya bejîm, kesên niha amede ne bila bizanin gundiyên gundê Koço serê xwe dan lê ola xwe nedan.”
‘Parlamentoya Iraqê bila jenosîd Êzidiyan qebûl bike’
Di merasimê da parlamenterê Êzidî Mûrad Îsmaîl axivî û wiha got: “Emê bi hemû hêza xwe bixebitin ku di Parlamentoya Iraqê da jenosîd fermî bê qebul kirin. Emê li ser kesên di dema fermanê da di gorên komî da hatibûn kuştin û niha hestiyên wan li tipa edlî ne, emê nasnamê wan ji bo tespît bibin xebat bikin, demekî zûtir radestî malbatê wan bikin.”
Muxtarê gundê Koço Nayif Caso di merasimê da axivî û wiha got: “Em di merasima bîranîna cangoriyên gundê Koça de ji hikûmeta Iraqê daxwaz dikin ku kesên di komkujiya gundê Koço pêk anîne bên dadgeh kirin. Di heman demê da hikûmeta Iraqê ji bo ku careke din gundiyên gundê Koço vegerîn gundê wan, alîkarî bide gundiyan”
Merasîm bi serdana goristanê bidawî bû.
