Feride Eralp, ku li ser navê Însiyatîfa Ji Aştiyê re Pêwistiya Min Heye ya Jinan di komîsyonê de dihat guhdarkirin dema axivî endamên komîsyonê yên AKPê gotina wê birî. Li ser vê yekê jinan bertek nîşan dan û gotin em qebûl nakin.
Însiyatîfa Ji Aştiyê re Pêwistiya Min Heye ya Jinan di rûniştina 2yan a Komîsyona Xwîşk- Biratî, Demokrasî û Hevgirtina Mîllî ku li Meclîsê ava bû ye de hat guhdar kirin. Rûşen Seydaoglu û Ferîde Eralp ku dema li ser navê însiyatîfê rapora amadekiribûn pêşkeşî komîsyonê dikirin ji aliyê endamên komîsyonê yên AKPê ve gotinên wan hat qut kirin. Li ser vê yekê jinan bertek nişan dan.
Li ser navê însiyatîfê Ferîde Eralp dema qala tundiya cinsî ya ji aliyê dewletê ve li dijî jinan tê kirin endamên komîsyonê yên AKPê tahamûlî wê nekirin û bertek nişan dan. Jinan jî li dijî vê yekê gotin em qebûl nakin. Serokê Meclîse Numan Kurtulmuş ket navberê û wiha got: “Her kes li vir axivî. Hin kes hebûn ku ramanên pir radîkal anîn ziman. Lê heke em ê li vir li ser êşê biaxivin, em dikarin bi hezaran demjimêran biaxivin. Tohmetên ku dê bi tevahî Komara Tirkiyeyê girêbidin bêkêr in û dê tu encamê nedin. Divê her kes li zimanê xwe haydar be. Em ramanên xwe tînin ziman û yên ku guhdarî dikin guhdarî dikin, lê yên ku red dikin guhdarî nakin. Em hewl didin cûdahiyên xwe bidin aliyekî û ji bo pêşeroja hemû gelên li Tirkiyeyê pêşerojeke ava bikin.”
Jinan jî bertek nişanî endamên komîsyonê yên AKPê dan û gotin axaftinên me qut nekin.
