Helbestan Ahmet Tellî ku di 10ê tîrmehê de jiyan xwe ji dest da piştî merasîmê hat definkirin. Piştî defînkirinê li ser gorê helbestên Ahmet Tellî hatin xwendin.
Helbestvan Ahmet Tellî ku ji ber nexweşiya pençesera gurçikê di 10ê tîrmehê de jiyana xwe ji dest da piştî merasîmê li Goristana Karşiyaka ya navçeya Yenimahalle ya Enqereyê hat defînkirin. Li Goristana Karşiyaka piştî wecibeyên olî darbesta Ahmet Tellî li deriyê 2emîn ê goristanê ku Denîz Gezmîş, Huseyîn Înan, Yusuf Aslan, Mahîr Çayan û pêşengên Tevgera Sosyalîst a Tirkiyeyê jî li wir hatine veşartin spartin axê. Malbata Ahmet Tellî, hezkiriyên wî, endam û nûnerên partiyên siyasî, saziyên civakî û gelek kes tevlî defînkirina cenazeyê bûn.
Ahmet Tellî piştî ku bi duayan spartin axê, deqîqeyekê rêz girtin û di rêzgirtinê de girsê bi yek dengî sirûda enternasyonal xwend.
Piştre jî heval û hogirên Ahmet Tellî li ser gorê axivîn û hestên xwe anîn ziman. Her wiha li ser gorê helbest hatin xwendin û merasîm bi çepikan bi dawî bû.
