Beşdarên bernameya bîranîna Ahmet Telli ku ji aliyê Şaredariyên Rêya Armûşê û Tûşbayê ve hatibû organîzekirin, Telli bi helbestên wî bi bîr anîn.
Şaredariyên Rêya Armûşê û Tûşbayê yên Wanê ji bo helbestvan Ahmet Telli ku di 10ê Tîrmehê de ji ber nexweşiyê jiyana xwe ji dest dabû, bernameyeke bîranînê li dar xistin. Bername li Malên Wanê yên Kevnar ên li Taxa Kalecîkê hat lidarxistin û nûnerên partiyên siyasî, saziyên demokratîk ên li bajar û gelek welatî beşdarî bernameyê bûn. Bername bi nîşandana sînevîzyona li ser jiyana Telli dest pê kir. Piştî nîşandana sînevîzyonê, beşdaran helbestên Telli xwendin.
Piştî guhdariya helbestan, Hevşaredara Tûşbayê Hanim Akkoş axivî û got: “Ahmet Tellî helbestvanek e ku di rêzên xwe de hêvî, berxwedan, hezkirin û aştiyê mezin dike. Helbestên wî ne tenê li ser edebiyatê, li ser nirxên hevpar ên mirovbûnê jî ronî dike.”
Bername piştî axaftinan bi dawî bû.
