Amedspor û Bodrumspor êvarê tên hemberî hev. Bi milyonan alîgirên Amedsporê li benda maçê ne û çavê wan li ser encama maçê ye.
Maçên Lîga 1emîn a Trendyolê ya Federasyona Futbula Tirkiyeyê (TFF) berdewam dikin. Hefteya 18emîn dê îro bi maça Amedsporê û Bodrumsporê bi dawî bibe. Amedspor li deplasmanê ye. Maça Amedsporê û Bodrumsporê dê di 20:00an de li Stada Bodrumê pêk were. Gelek alîgirên Amedsporê jî ji bo maçê çûne navçeya Bodrumê ya Mûglayê.
TRT Spor dê maçê bi awayek zindî bide weşandin. Bi milyonan alîgirên Amedsporê li benda maçê ne û dê çav û dilê wan li ser encama maçê be. Hakemê maçê Reşat Onur e û dê li gel alîkarên xwe bir ê ve bibe.
Ev hefte jî wek hefteya bihûrî ji bo Amedsporê girîng û krîtîk e. Heke Amedspor li hemberî Bodrumsporê bi ser bikeve dê puanê xwe derxe 38an û bikeve rêza yekemîn. Ango dê lîderiya lîgê di destê xwe de bigire. Heke Amedspor di maçê de bi ser nekeve jî dê bi 35 puanan di rêza 2yemîn a lîgê de bimîne. An jî heke ku maç wek hev bimîne dê Amedspor puanek werbigire û bi 36 punan di rêza 2yemîn a lîgê de cihê xwe bigire.
