Amedspor û Bandirmaspor îro êvarê li Stada Tahîr Elçî ya Amedê tên hemberî hev. Ev maç ji bo Amedsporê bibe zîrve gelek krîtîk e. Bi milyonan alîgirên Amedsporê bi kelecaniyek mezin li benda maçê ne.
Maçên Lîga 1emîn a Trendyolê ya Federasyona Futbula Tirkiyeyê (TFF) di hefteya 17emîn de berdewam dikin. Îro maçek gelek krîtîk heye. Maça Amedsporê û Bandirmasporê heye û dê saet di 19.00an de pêk were. Her du tîm li Stada Tahîr Elçî ya Amedê tên hemberî hev. Halêhazir Amedspor xwedî 32 puana ye û di rêza duyemîn de cih digire. Her wiha Pendîkspor jî xwedî 32 puana ye û di rêza yekemîn de cih digire. Ji ber ku avareja Pendîksporê zêde ye di rêza yekemîn de cih digire.
Ev maç çima ji bo Amedsporê krîtîk e û dê ji bo zîrveyê derkeve sehayê. Çima krîtîk e, çimkî heke Pendîkspor li hemberî Igdirsporê têk biçe û heke Amedspor jî li hemberî Bandirmasporê bi ser bikeve dê derkeve rêza yekemîn û puanê xwe bike 35.
Heta niha nêzî 20 hezar bilêtên maçê hatine firotin û alîgirên Amedsporê li benda serkeftina tîma xwe ye.
Alîgir xwe bi dirûşm û coşa her demê xwe ji bo maça êvarê amade dikin.
Amedsporê nava hefteyê gelek dîmen û wêneyan belav kir û ev bang li alîgirên xwe kir: “De Amed, Were Maçê!”
