Li Cizîrê bi girseyî çûn şîna Endama YJA-Starê Yildiz Yilmaz û Endamê HPGê Cengîz Sivaci.
Li navçeya Cizîrê ya Şirnexê bi tevlêbûna Parlementera DEM Partiyê ya Şirnex Newroz Ûysal Aslan, endam û rêvenerên partiyên siyasî û saziyên civaka sivîl û gelek welatiyan çûn şîna Endama YJA-Starê Yildiz Yilmaz (Tekoşîn Cûdî) ku di 31ê Gulana 2017an li Metîna jiyana xwe ji dest dane û Endamê HPGê Cengîz Sivaci (Rêzan Serdem ) ku sala 2023an li Qadên Parastiba Medyayê jiyana xwe ji dest daye, hate kirin.
Girse destpêkê li taxa Çemkûrkê kom bû û bi diruşma, “Şehîd namirin” û “Ey şehîd xwîna te li erdê namîne” heya mala Endama YJA-Starê Yilmaz meşiyan. Li vir destpêkê ji bo cangoriyên azadiyê rêz hat girtin. Piştre parlementer Newroz Ûysal Aslan sersaxî ji malbata Yilmaz re xwest û wiha axivî: “Ji bo ku em bibin layîqê cangoriyan divê em xeyalên wan pêk bînin. Divê di pêvajoya ji aliyê Rêberê Gelê Kurd Abdûllah Ocalan ve hatiye destpêkirin bi azadiya gelê Kurd dawî bibe. Wê demê em ê bikaribin bibin layîqê cangoriyên azadiyê.”
Piştî Newroz Ûysal Aslan, apê Yildiz Yilmaz anî ziman ku biraziya wî şehîda hemû Kurdistanê ye û serê gelê Kurd sax be. Serdana şînê bi xwedina duayan bi dawî bû. Piştre girse çû serdana şîna Cengîz Sivaci ya li Konûtên Misûriyê û li vir bi diruşmeyan heya mala Sivaci meşiyan..
Dema girse gihişt mala malbata Sivaci ji bo cangoriyên azadiyê rêz hat girtin û piştre Hevserokê DEM Partiyê yê Cizîrê Yilmaz Sanri sersaxî ji malbatê re xwest.
Piştî Yilmaz Sanri birayê Sivaci, Abdûllah Sivaci axivî û got serê gelê Kurd Saxbe. Bira Abdullah Sivaci diyar kir ku birayê wî ne şehîdê yekemîn e û heya dilopek xwîn di laşê wan de hebe ew ê li pey şopa şehîdan be.
Piştî axaftinan dua hatin xwendin û serdana şînê bi dawî bû.
