• Kurmancî
  • Kirmanckî
  • |
  • Derbarê Me De
  • |
[email protected]
Ajansa Welat
21 MIJDAR 2026
Encamek nîn e
View All Result
  • ROJANE
    TOHAV parêzerên Kurd ên hatine qetilkirin bi bîr anî

    TOHAV parêzerên Kurd ên hatine qetilkirin bi bîr anî

    Zarokan ji bo Ocalan wêne xêz kirin

    Zarokan ji bo Ocalan wêne xêz kirin

    YNK û PDKê li Hewlêrê hevdîtin pêk anîn

    YNK û PDKê li Hewlêrê hevdîtin pêk anîn

    Tulay Hatîmogullari: Ji bo pêvajoyê piştgiriya herî xurt berdana girtiyên nexweş e

    Tulay Hatîmogullari: Ji bo pêvajoyê piştgiriya herî xurt berdana girtiyên nexweş e

    Aqûbeta jinên ku hatine qetilkirin û windakirin pirsîn

    Aqûbeta jinên ku hatine qetilkirin û windakirin pirsîn

    ‘Bi avakirina komînan em ê di vê pêvajoyê de bigihijin serkeftinê’

    ‘Bi avakirina komînan em ê di vê pêvajoyê de bigihijin serkeftinê’

  • JIN
  • ÇAND Û HUNER
  • POLÎTÎKA
  • EKOLOJÎ
  • CIVAK
  • TENDURISTÎ
  • DARAZ
  • KED Û ABORÎ
  • CÎHAN
  • ANALÎZ-DOSYE
  • SPOR
  • HEMÛ NÛÇE
  • ROJANE
    TOHAV parêzerên Kurd ên hatine qetilkirin bi bîr anî

    TOHAV parêzerên Kurd ên hatine qetilkirin bi bîr anî

    Zarokan ji bo Ocalan wêne xêz kirin

    Zarokan ji bo Ocalan wêne xêz kirin

    YNK û PDKê li Hewlêrê hevdîtin pêk anîn

    YNK û PDKê li Hewlêrê hevdîtin pêk anîn

    Tulay Hatîmogullari: Ji bo pêvajoyê piştgiriya herî xurt berdana girtiyên nexweş e

    Tulay Hatîmogullari: Ji bo pêvajoyê piştgiriya herî xurt berdana girtiyên nexweş e

    Aqûbeta jinên ku hatine qetilkirin û windakirin pirsîn

    Aqûbeta jinên ku hatine qetilkirin û windakirin pirsîn

    ‘Bi avakirina komînan em ê di vê pêvajoyê de bigihijin serkeftinê’

    ‘Bi avakirina komînan em ê di vê pêvajoyê de bigihijin serkeftinê’

  • JIN
  • ÇAND Û HUNER
  • POLÎTÎKA
  • EKOLOJÎ
  • CIVAK
  • TENDURISTÎ
  • DARAZ
  • KED Û ABORÎ
  • CÎHAN
  • ANALÎZ-DOSYE
  • SPOR
  • HEMÛ NÛÇE
Encamek nîn e
View All Result
Ajansa Welat
Encamek nîn e
View All Result

‘Em ê her qadeka bajarê xwe bikin bi Kurdî’

Fexredîn Kiliç / AW

20 GULAN 2025 - 09:32
Kategorî: MANŞET, ROJANE
A A
Amed – Midûrê Beşa Parastin û Pêşvebirina Ziman a Şaredariya Amedê Tahîr Baykûşak têkildarî xebatên ziman ên şaredariyê axivî û got: “Pêdivî pê heye ku em Hawara Kurdî li her qada jiyanê bi cih bikin, bi Kurdî bijîn, her qadeka bajarê xwe bikin bi Kurdî û vê hawarê bigihînin nifşên dû xwe.”

Şaredariya Bajarê Mezin ku di çarçoveya şaredariya civakî de pirzimanîyê esas digire û xizmetê dike, karekî nû li xebatên xwe zêde kir. Midûriyeta Parastin û Pêşxistina Ziman a Serokatiya Daîreya Çandê û Karên Civakî, ji bo welatiyên ku dixwazin navên Kurdî, menûyên xwaringehan, tabelayên dikanan, vexwendnameyên dawetan û nivîsên goran bi Kurdî bi kar bînin, xizmeta xeta ALO Kurdî pêşkeşî gel kir. Her wiha şaredariyê li Navenda Bangê ya ALO 153 de dest bi pêşkêşkirina xizmeta bangê ya Kurdî jî kir. Şaredarî bi zaravayên Kirmanckî û Kurmancî yên Kurdî, Ermenkî û Suryankî jî di kursan de ders dide û xebatên xwe yên bi pirr zimanî didomîn e.

Midûrê Beşa Parastin û Pêşvebirina Ziman a Daîreya Karên Çand û Civakî ya Şaredariya Bajarê Mezin a Amedê Tahîr Baykûşak têkildarî xebatên şaredariyê yên li ser ziman ji Ajansa Welat re axivî.

Tahîr Baykûşak da zanîn ku di Îlona 2024an de di bin banê Şaredariya Bajarê Mezin a Amedê de beşa Parastin û Pêşvebirina Ziman vebû û wiha got: “Armanca vê beşê ew e ku heke pêdiviya zimanên li vî bajarî dijîn bi parastinê hebe wan biparêze û bi pêş ve bibe. Dema em dibêjin ziman divê tenê kurdî neyê bîra me ji ber ku li vî bajarî zimanên gelên qedîm jî hene. Em hewl didin bi Suryankî û Ermenkî jî xebatan bikin. Qursên van zimanan jî di bin banê şaredariya me de hene. Weke midûriyet karê me yê esasî ziman in. Piştî ku em hatin ser kar me dest bi qursên Zazakî, Kurmancî, Suryankî û Ermenkî kir. Em çima pêdiviyê pê dibînin ku bi van zimanan qursan vebikin ji ber ku bi van zimanan sedan sal in li vî bajarî berhemên edebî, hunerî û yên civakî hatine afirandin. Ev ziman zimanên bajarî ne divê bijîn. Ji bo jiyîna wan jî çi bikeve ser milê me em ê bikin.”

‘Gelek ziman di bin talûkeya têkçûnê de ne’

Tahîr Baykûşak diyar kir ku ji ber polîtîkayên bi sedan salan e îro Ermenkî û Suryankî li Amedê najîn û wiha domand: “Lê belê Kurmancî û Zazakî li kuçe û kolanan de hêj jî dijîn. Lê belê di bin talûkeyê de ne. Zazakî îro li gorî UNICEF û UNESCOyê di bin talûkê de ye. Gelek zimanên di bin sînorê Tirkiyeyê de di bin talûkeya têkçûn û windabûnê de ne. Ji ber vê yekê em dixwazin li ser van zimanên di bin talûkeyê de ne xebatan, lêkolînan bikin, qeydan çêbikin hwd. Lê pêşvebirinek jî ji wan re lazim e. Divê di vî bajarî de xuya jî bikin. Îro xuyakirina zimanê me li bajarê me pir xurt nîne.”

‘Em ji bo Kurdî hene’

Tahîr Baykûşak bi bîr xist ku bi minasebeta 15ê Gulanê Cejna Zimanê di çarçoveya xizmetên şaredariyê yên pirzimanî de, di Navenda Bangê ya ALO 153 de dest bi pêşkêşkirina xizmeta bangê ya Kurdî jî kirine û wiha pê de çû: “Esnafên me yên dixwazin tabelayên xwe bi kurdî binivîsin, ji me re binivîsin em bi îmlayeke rast bersiva wan didin. Her çiqas gelê vî bajarî bi kurdî biaxive jî dema tu li tabelayan dinêrî kesên ku dixwazin bi kurdî binivîsin jî îmlayên xelet hene. Me bi vê xizmeta xwest kesên dixwazin ku ji bo dawet, sunet, cihê vekirinê vexwendnameyekê amade bikin, gazî hezkiriyên xwe bikin. Çi kurmancî çi zazakî ji me re binivîsin em ê ji wan re bibin bersiv. Her wiha bixwazin menuyên xwarinên xwe bi kurdî binivîsin em ê alîkariya wan bikin. Yek ji cihên girîng ên bajaran jî goristan in. Hin hesasiyetên gel ên kurdî hene. Dixwazin beytekê an çarînekê li ser gorên xwe binivîsin lê di rastnivîsê de şaşî çêdibin. Kesên ku ji me bi îmlayeke rast nivîsan dixwazin re em ê bibin alîkar.”

‘Em dixwazin her kesî bi Kurdî pêşwazî bikin’

Tahîr Baykûşak da zanîn ku bi minasebeta 15ê Gulanê Cejna Zimanê Kurdî gelek kar û xebat dane ber xwe û ev agahî dan: “Li parkan sinemaya bi kurdî, li eywanan şanoyên bi Kurdî dilîzin, her wiha me xwest çi zazakî, çi Kurmancî çi Soranî helbestvanên Kurd ên ku ev ziman bilindkirine em wan bi bîr bînin û bi helbestên wan vî bajarî bixemilînin. Li hin cihan me li ser keviran helbestên wan kolan, me bajar xemiland. Xuyakirina ziman, Kurdîkirina vî bajarî yek ji xebatên me ye. Em ê vê yekê li parkan, li ber sûran, li kolanan bikin. Zimanê vî bajarî ev e dixwazin ev yek xuya bibe. Kesên ku nikaribin biaxivin jî bila mereq bikin ka Ehmedê Xanî, Melayê Cizîrî, Hecî Qadir kî ne, çi nivîsî ne û kurte jiyana wan hîn bibin. Ev bîreke civakî di bajar de ava dike. Kesên ji derve jî tên dê haydar bibin ku li vî bajarî helbest hene helbestvan hene.”

‘Divê em vî zimanî bigihînin nifşên dû xwe’

Tahîr Baykûşak derbarê xebatên şaredariyê de ev yek anîn ziman: “Hemû beşên hunerê bi ziman re têkildar in. Em ê weke miduriyeta ziman hewl bidin ku di hemû beşên çand, huner û ziman de bi hev re tiştan biafirînin. Lê divê em rastiya xwe jî bibînin zimanê me di bin xetereyê de ye. Êdî di nava zarokên me de kêm tê axaftin. Di nava civakê de her ku diçe axaftina vî zimanî qels dibe. Em ê hewl bidin derbarê van de hem lêkolînan hem jî ji bo pêşvebirina zimanan hin cihan ava bikin. Cihên ku zarokên bi kurdî diaxivin bigihin hevdû kurdî bilîzin. Kar û xebatên şaredariya me yên weke Zarokistan, odeyên lîstikan hene. Em ê van cihan bi fikr û ramanên xwe, bi hevalên xwe re hem zêde bikin hem xurt bikin. Lazim e em bi xurtî li ser mijara ziman bisekinin. Heke em nikarin vî zimanî bigihînin nifşên dûv xwe ew mîrateya me ya ziman a bi hezaran salan dê bi dawî bibe. Kurdan bi hezaran salan e zimanê xwe parastine. Lê niha di bin teknolojiya îro de di bin xetereyeke mezin de ye. Di warê nûçegihaniyê de, televizyonê de û gelek aliyên din xebat hene lê bi taybetî ji bo bajarê Amedê em ê di nava civakê de lêkolîn û kar û xebatên xwe bidomînin. Pêdivî heye ku ev ziman di vî bajarî de baştir xuya bike. Em dikarin çawa ji malbatên zarokan re bibin bersiv. Ev dibe ku kreş be, cihê lîstikan be, parkên lîstikan be em ê van kar û baran pêk bînin.”

‘Em ê her derî bikin bi Kurdî’

Tahîr Baykûşak bi boneya hefteya 15ê Gulanê Cejna Zimanê Kurdî cejna ziman pîroz kir û axaftina xwe wiha bi dawî kir: “Di 15ê Gulanê de Kovara Hawarê dest bi weşanê kir. Ew Hawar hawareke kurdî bû. Hewl da wan şert û mercên giran de ku bi Kurdî tiştek nedikarî bihata kirin bi kovarekê hawara Kurdî ragihand. Ew hawar îro gihiştiye me, pêdivî pê heye ku em vê Hawara Kurdî li her qada jiyanê bi cih bikin, bi Kurdî bijîn, her qadeka bajarê xwe bikin bi Kurdî û vê hawarê bigihînin nifşên dû xwe. Kar û xebatên ku em bi vî zimanî ji bo zarokan bikin ew ê vî zimanî bigihîne pêşerojê. Ev jî berpirsyariya me ye ku em di vê mijarê de bênavber bixebitin.”

 

Etîket: 15ê Gulanê Roja Cejna Zimanê KurdîSaredariya Bajare Mezin a AmedeTahîr BaykuşakZimane Kurdi
Parve BikeTweetWhatsAppParve BikeParve Bike

Nûçeyên Din

Mamosteyê Zanîngeha Rojava: Divê zimanê Kurdî di destûra Sûriyeya nû de cih bigire

Mamosteyê Zanîngeha Rojava: Divê zimanê Kurdî di destûra Sûriyeya nû de cih bigire

16 MIJDAR 2026
Rêveberiyên dibistanan li ber hilbijartina zimanê Kurdî astengiyan derdixin

Rêveberiyên dibistanan li ber hilbijartina zimanê Kurdî astengiyan derdixin

5 MIJDAR 2026
Baroya Amedê: Erka hiqûqê ne bêdengkirina zimanan e

Baroya Amedê: Erka hiqûqê ne bêdengkirina zimanan e

4 MIJDAR 2026
Endamê Meclisa ÎBByê: Wê li ÎBByê Midûriyeta Parastina Zimanan were avakirin

Endamê Meclisa ÎBByê: Wê li ÎBByê Midûriyeta Parastina Zimanan were avakirin

27 COTMEH 2026
Hevşaredarê Amedê: Divê wezaret serlêdana ji bo ziman zû erê bike

Hevşaredarê Amedê: Divê wezaret serlêdana ji bo ziman zû erê bike

27 COTMEH 2026

Standa kursên ZIMAN-DERê: 200 kes serlêdan kir

24 COTMEH 2026

ÊN ZÊDE HATINE XWENDIN

  • Ezîzê Mûso koça dawî kir

    Ezîzê Mûso koça dawî kir

    Parve Bike
    Parve Bike Tweet
  • Rûken Kilinç: Divê gorên Seîd Riza û hevalên wî bê eşkerekirin

    Parve Bike
    Parve Bike Tweet
  • Ji zaroktiya xwe heta girtîgehê evîna hunerê: Divê Kurd afirîner bin

    Parve Bike
    Parve Bike Tweet
  • Bi îşkenceyê tê girtin û niha nexweş e!

    Parve Bike
    Parve Bike Tweet
  • Keskîn Bayindir: Guhertina cihê birêz Ocalan nabe şert û mercên azad

    Parve Bike
    Parve Bike Tweet
  • Dayika girtiyê nexweş: Kurê min nexweş e û 8 sal in min ew nedîtiye

    Parve Bike
    Parve Bike Tweet
  • Ji Wezareta Çandê bersivek sosret: Medreseya Feqiyê Teyran ne aîdî me ye

    Parve Bike
    Parve Bike Tweet
  • Polîsan bi ser avahiya Weşanxaneya Belkiyê de girt

    Parve Bike
    Parve Bike Tweet
  • Dayika Aştiyê: Ez hêza têkoşînê ji şehîdên xwe digirim

    Parve Bike
    Parve Bike Tweet
  • ‘Budçeya tendirustiyê ne li gor pêwîstiyên gel tê amadekirin’

    Parve Bike
    Parve Bike Tweet

Ajansa Welat, bi nûçeyên taybet, dosya, lêkolîn, dîmen û deng civakê agahdar û ronî dike.

Bi şîara agahiyên rast û objektif weşanê esas digire, li ser şopa heqîqetê agahiyan belav dike.

Ajansa Welat bi nûçe û naverokên xwe dibe deng û rengê welat.

Xwediyê Îmtîyazê: Fahrettin Kılıç

Berpirsiyarê Karên Nivîsan: Mahmut Altıntaş

Navnîşan: Fırat Mahallesi, 553. Sokak, Tanlar Şehri Teras Evleri, B Blok,
Kat: 5 - No: 40, Kayapınar, Diyarbakır

Telefon: +90 (532) 519 37 73

E-mail: [email protected]
Malper: www.ajansawelat1.com
Twitter Youtube Instagram Whatsapp
  • Serrûpel
  • Têkilî
  • Derbarê Me De

© 2024 Ajansa Welat ● Yekemîn Ajansa xwerû Kurdî ● Hemû maf parastî ne

Encamek nîn e
View All Result
  • HEMÛ NÛÇE
  • ROJANE
  • JIN
  • ÇAND Û HUNER
  • POLÎTÎKA
  • EKOLOJÎ
  • CIVAK
  • TENDURISTÎ
  • DARAZ
  • KED Û ABORÎ
  • CÎHAN
  • ANALÎZ-DOSYE
  • SPOR
  • KIRMANCKÎ

© 2024 Ajansa Welat ● Yekemîn Ajansa xwerû Kurdî ● Hemû maf parastî ne