Şaredariya Peyasê bi kampanyaya ‘Bi Keda Kolektîf Bajarên Paqij’ re ji bo xwedîderketina qadên jiyanê yên hevpar paqijiyê dike. Piştî maça Amedspor û Erziromsporê li Xaçerêka Stadyûma Amedê û derdora wê xebateke berfireh a paqijiyê hat kirin.
Şaredariya Peyasê di çarçoveya kampanyaya paqijiyê ya ‘Bi Keda Kolektîf Bajarên Paqij’ de ku bi şîara ‘Em Tevî Gel, Bajarê Xwe Paqij Dikin’ ji bo xwedî derketina qadên jiyanê yên hevpar tê meşandin, vê carê li Xaçerêka Stadyûma Amedê û derdora wê xebateke berfireh a paqijiyê hat kirin. Piştî maça Amedspor û Erziromsporê hat dîtin ku derdorê stadyumê gelek çop hatine avêtin. Di çalakiya paqijiyê de ku Hevşaredara Peyasê Bêrîvan Gulşen Sîncar, Alîkarên Hevşaredaran, Endamên Meclîsa Şaredariyê û xebatkarên şaredariyê amade bûn, xebateke berfireh hat kirin. Di encama xebatê de li herêmê çop hatin komkirin û bi alîkariya wesayîtên maliştina rêyan jî hemû cade û kolanên derdorê bi temamî hatin şûştin û paqijkirin.
Xebatên paqijiyê yên berfireh dê werin domandin
Kampanyaya paqijiyê ku di 11ê tebaxê de hatibû destpêkirin dê heta 21ê tebaxê bidome. Dê her roj bi beşdariya hemû gerînendetiyên şaredariyê û gel re, bi feraseta keda kolektîf û hevgirtinê li cihekî cuda yê navçeyê xebatên paqijiyê yên berfireh werin domandin.
